Gyda'r blynyddoedd
O ystyried ei bod hi'n ddiwrnod dau ben-blwydd yma echdoe yr oedd pennau pawb i'w gweld yn eithriadol o glir ddoe.
Dim awgrym o benmaenmawr yn unman.
Yn dathlu ar y naill law, yr oedd Aled Sion, cyfarwyddwr yr Eisteddfod, ar y llaw arall yr Eisteddfod ei hun.
Y naill yn baidagweiddi blwydd oed a'r llall yn bedwar ugain oed dweudwrthbawb a'r ddau i'w gweld wedi dygymod â'r blynyddoedd gystal â'i gilydd.
Mewn festri capel yng Nghorwen ar Fehefin 22 1928 y cenhedlwyd yr Eisteddfod a anwyd yn 1929 pan gynigwyd y syniad o Eisteddfod i'r mudiad ieuenctid newydd - ond honno'n eisteddfod heb wobr i neb dim ond y clod o ennill.
Bedwar ugain mlynedd yn ddiweddarach yng Nghaerdydd mae'r egwyddor honno yn parhau a miloedd ar filoedd wedi teithio yma i chwilio am y clod hwnnw.
Bu'r Urdd ddigon caredig a llunio rhestr o bethau pwysig a ddigwyddodd yr un flwyddyn ag Eisteddfod gyntaf y mudiad. Felly, ffwrdd a ni:
- Geni seren rygbi Cymru, Carwyn James yng Nghefneithin, Llanelli.
- Caradog Pritchard yn ennill coron am y trydydd tro yn olynol. Y tro olaf yn yr Eisteddfod Genedlaethol yn Lerpwl.
- Gwobrau Oscars yr Academi am ffilm am y tro cyntaf yn Los Angeles.
- Marw'r bardd a'r gramadegwr Syr John Morris Jones, yn 64 oed.
- Geni Martin Luther King yn yr Unol Daleithiau.
- Darllediad teledu cyntaf gan y Ö÷²¥´óÐã.
- Black Tuesday pan chwalodd marchnad stoc Wall Street, yr Unol Daleithiau - y cwymp gwaethaf yn hanes y farchnad stoc.
- Straeon a lluniau o ddydd i ddydd o'r Steddfod
- Blogio yn y Steddfod
