Cyfrif pennau
Yr un peth a ddysgodd rhywun ddydd Mawrth oedd nad yw tyrfa o blant yn agor fel y Môr Coch o'ch blaen pan ydych yn ceisio cerdded trwyddyn nhw.
Ac yr oedd yma dyrfa sylweddol. Casgliad o fân dyrfaoedd yn meddiannu grisiau a choridorau a chynteddau. Cymaint ohonynt wedi eu pacio'n dyn i Ganolfan y Mileniwm fe fyddai sardîn yn cael twts o agoraphobia yn ei dun oherwydd bod cymaint o le gwag yno mewn cymhariaeth.
Heidiodd 22,962 i Ganolfan y Milenwim sef bron i dair mil yn fwy nag a fynychodd yr Eisteddfod mewn cae ym Mae Colwyn ar y dydd Mawrth y llynedd.
Ond yr oedd hyd yn oed hynny 1,725 yn llai nag oedd yng Nghaerdydd yr un diwrnod yn 2005.
Yr un oedd y stori ddydd Llun gyda 1,156 yn fwy na'r llynedd yn bresennol.
Ond yn 430 yn fwy nag a ddaeth yn 2005.
- Straeon a lluniau o ddydd i ddydd o'r Steddfod
- Blogio yn y Steddfod
