Braidd yn hefi?
Cyfaill yn holi ddoe, oeddwn i wedi cael amser i bicio draw i'r Bwyty hyd yn hyn - y gornel o'r maes lle gall y mwyaf soffistigedig yn ein plith gael gwydraid bach gwaraidd o win.
Rhyw led gwyno a rhyfeddu oedd y cyfaill fod y dynion mewn siwtiau duon sy'n eich tywys drwy'r drws yn edrych yn debyg iawn i fownsars mewn clwb nos go iffi neu hefis yn syth allan o ffilm am y Maffia.
"Ydi'r Godfather wedi cyrraedd maes yr Urdd?" holodd.
"Picia draw iti gael gweld - ond cofia, dydy nhw ddim yn edrych yn bobl i dynnu'n groes â nhw."
A dyna wnes i - picio draw hynny yw. Nid tynnu'n groes.
Hyd yn oed yn fy niod.
