Ö÷²¥´óÐã

Hyd y gallwn i weld, doedd yna ddim unrhyw fath o resymeg na chysondeb i'r peth ac er mai pethau Saesneg oedd rhifolion i mi wnes i rioed hyd yn oed feddwl dweud yr amser yn Saesneg pan yn siarad Cymraeg.

Trawodd y defnydd mympwyol hwn o eiriau Saesneg fi y dydd o'r blaen pan oeddwn yn ymweld â chyfaill a'i deulu.

"Welais ti oriadau'r car?" holodd y wraig.
Gan dderbyn yr ateb, "Maen nhw ar y bwrdd yn y kitchen."

Kitchen, medda fi, gan geisio dyfalu pryd trodd eu cegin y teulu cwbl Gymraeg a Chymreig hwn yn kitchen a cheisio llywio'r sgwrs i ddarganfod faint o ystafelloedd Saesneg eraill oedd ganddo yn ei dÅ·.

Ac yn wir yr oedd ganddyn nhw lownj a bathrwm.
Ond twll dan grisiau oedd ganddyn nhw dan y grisiau a llofft oedd llofft nid bedrwm fel mae'r stafelloedd gwely yn mynnu bod i sawl un - yn enwedig mewn tai unllawr lle nad yw'n rhesymegol mewn gwirionedd eu galw yn llofftydd .

Ond i mi a sawl un arall llofft ydi unrhyw stafell efo gwely ynddi lle'r ydych yn mynd i gysgu boed hi i fyny grisiau neu ar yr un llawr a'r stafelloedd byw.

Er, pan yn blentyn, yr oedd fy rhieni yn gwahaniaethu rhwng ystafell wely yn y to ac un arall ar y llawr gwaelod trwy alw'r naill yn llofft a'r llall yn shiambar.

Chlywais i ddim defnyddio'r gair shiambar ers blynyddoedd.

Gwrandewch ar y sgyrsiau o'ch cwmpas a thrïwch chithau, fel minnau, wneud sens o'r cyfan. Gwneud synnwyr hyd yn oed, a chwilio am gysondeb neu batrwm.

Dwi off nawr i brynu torth, tatws a chydig o chops i ginio.

Bydd rhai yn prynu ffish, ar gyfer dyddiau Gwener, ond pysgod brynais i erioed. Wel, ar wahân i'r adegau hynny y byddai'n prynu ffish efo chips - neu datws a physgodyn pe byddwn yn eu prynu ar wahân i wneud pryd adref.
Rhyfedd o fyd ieithyddol.