Dau yn Wembli
A minnau wedi bod yn paldaruo gymaint am Abertawe yn Wemblicefais fy atgoffa heddiw nad yr Elyrch fydd yr unig dîm o'r ardal i fod yn ymgiprys yno.
Yng Nhwpan N Power bydd tîm Ysgol Gynradd Pontybrenin, Gorseinon, yn wynebu Leeds United ac yn gallu manteisio - gobeithio - ar floeddiadau dros ddeugain mil o gefnogwyr yr Elyrch.
Mae'r tîm hefyd wedi cael sesiwn hyfforddi gyda Gary Speed cyn teithio tua Llundain 'na.
Nawr pe byddai'r ddau dîm o Abertawe yn ennill allwch chi ddychmygu'r awyrgylch sy'n mynd i fod ar faes yr Urdd ac yn y ddinas.
Mi allwch chi glywed ar yr iPlayer ddau o ddisgyblion yr ysgol yn siarad efo Dylan Jones am yr edrych ymlaen sydd yna a Dylan, medda fo, ddim yn cefnogi Leeds mewn gêm am y tro cyntaf yn ei fywyd.
