 |
|
Holi
awdur:
Dylan Llewelyn
Awdur
Y Byd Mawr Crwn - llyfr am bêl-droed
Dydd Iau, Ionawr 2, 2003 |
 •
Enw: Dylan Llewelyn
Beth yw eich gwaith?
Cynhyrchydd teledu gyda Ffilmiau’r Nant
Pa waith arall ydych chi wedi bod yn ei wneud?
Mwydro am ffwtbol ar "Ar y Marc" bob bore Sadwrn. Cyfarwyddwr
CPD Pwllheli a rwan awdur {o fath}
O ble’r ydych chi¹n dod?
Magu ym mhentref Y Ffôr ond byw ym Mhwllheli ers
blynyddoedd bellach
Lle’r ydych chi¹n byw yn awr?
Downtown Pwllhel
i
Pa ddigwyddiad roddodd fwyaf o bleser ichi?
Heb os, genedigaeth y plant acw – Alaw a Cian.
Beth wnaeth ichi sgrifennu eich llyfr diweddaraf? Dwedwch ychydig
amdano.
Roedd Gwasg Gwynedd yn awyddus imi sgwennu rhywbeth pêl-droedaidd,
a chan mod i newydd orffen teithio o amgylch y byd yn gwylio, siarad
a ffilmio ffwtbol ar gyfer cyfres deledu i S4C o’r enw "Mae’r Byd
yn Grwn", dyma feddwl y bydde adrodd rhai o’r hanesion yn eitha difyr.
Fel gyda’r gyfres, ro’n i’n awyddus i osgoi sgwennu llyfr pêl-droed
pur. Hynny yw roeddwn yn awyddus i son fwy am y teithiau, y bobloedd
a hanes y gwledydd yn hytrach na dim ond sgwennu adroddiadau am gemau
pêl-droed.
Ac fel rhywun sydd wedi dilyn tim pêl-droed hynod aflwyddiannus
Cymru i bobman, roedd hwn yn gyfle hefyd i olrhain ychydig o’m hanesion
a mhrofiadau ym mhellafoedd Ewrop yn gwylio chwaraewyr proffesiynol
oedd yn amlwg yn malio llai na ni am Gymru.
Beth arall ydych chi wedi ei sgrifennu?
Rhyw dair blynedd yn ôl fi sgwennodd hunangofiant Gwyn Pierce
Owen "Cmon Reff" ar gyfer ‘Cyfres y Cewri’ i Wasg Gwynedd
Pa un oedd eich hoff lyfr pan yn blentyn?
Rhodd Mam
A fyddwch yn edrych arno’n awr?
Byddaf maes o law gan fod Alaw newydd ddechrau’r Ysgol Sul
Pwy yw eich hoff awdur?
P.j. O’Rourke
A’ch hoff bêl-droediwr?
Kenneth Mathieson Dalglish
A oes unrhyw lyfr wedi gwneud argraff arbennig neu ddylanwadu arnoch?
Holidays in Hell gan P J O’Rourke
Pwy yw eich hoff fardd?
Gruff Rhys {Super Furry Animals}
Pa un yw eich hoff gerdd?
Gwreiddiau Dwfn {SFA}
Pa un yw eich hoff gêm bêl-droed a digwyddiad mewn chwaraeon?
Hoff gem: Cymru 2 Yr Eidal 1 ….perffaith
Hoff ddigwyddiad: Trevor "the tortoise" Misapeka o American Samoa
(dyn 22 stôn) yn "rhedeg" râs 100 metr ym mhencampwriaethau’r
byd yn Edmonton yn arafach nag unrhywun arall ‘rioed
Pa un yw eich hoff ffilm a rhaglen deledu?
Ffilm: Ferris Bueller's Day Off
Rhaglen deledu: The Office
Pwy yw eich hoff gymeriad a’ch cas gymeriad mewn llenyddiaeth?
Hoff gymeriad: Sion Blewyn Coch
Cas gymeriad: Bridget Jones
Pa ddywediad, dihareb, adnod neu gwpled sydd agosaf at y gwir?.
Gorau chwarae cyd chwarae
Pa un yw eich hoff air?
Cymraeg: Melys
Saesneg: Sexy
.
Pa ddawn hoffech chi ei chael?
Unrhyw fath o ddawn gerddorol
Pa dri gair sy’n eich disgrifio chi orau?
Crwn,
Diamynedd,
Cyson
A oes rhywbeth yr ydych yn ei ddrwglecio amdanoch eich hunan?
O leia dau o’r tri pheth uchod
Pa berson byw neu hanesyddol ydych chi¹n ei edmygu fwyaf a pham?
Fy nhad – am brofi fod parodrwydd i weithio’n galed a synnwyr
cyffredin yn bwysicach na llond trol o gymhwystera.
Pa ddigwyddiad hanesyddol fyddech chi wedi hoffi bod yn rhan ohono?
Y chwyldro pync yn 1976 – roedd hi’n 1980 erbyn iddo gyrraedd
Pwllheli
Pa berson hanesyddol hoffech chi ei gyfarfod a beth fyddech chi
yn ei ddweud neu yn ei ofyn?
Slobodan Milosevic.
Pam?
Pa un yw eich hoff daith a pham?
Y daith i Bortiwgal 2004.
Pam? Wel da ni heb golli’n ffordd hyd yn hyn
Disgrifiwch eich hoff bryd bwyd?
Bruschetta, stecsan o’r Ariannin a hufen iâ neapolitan (nid
i gyd ar yr un plat wrth reswm!).
Beth yw eich hoff weithgareddau amser hamdden?
Be di amser hamdden?
Mae gen i ddau o blant bach (a gwraig!)
Pa un yw eich hoff liw?
Coch
Pa liw yw eich byd?
Amryliw
Pe gallech gyflwyno deddf newydd beth fyddai hi?
Ga’i ddau gynnig?
Yn gynta - deddf fydde’n gwahardd Robyn Lewis rhag sgwennu mwy nac
un llythyr i’r wasg bob wythnos.
Yn ail - deddf fydde’n gorfodi sdiwdants i weithio mewn maes arall
cyn cael bod yn athrawon
A oes gennych lyfr arall ar y gweill?
Dim flwyddyn yma
 Beth
fyddai’r ornest chwaraeon fwyaf cyffrous bosibi?
Berlin, Mehefin 2006. Ffeinal Cwpan y Byd. Cymru yn erbyn Lloegr.
Buddugoliaeth o gôl i ddim i Gymru fach wrth i ‘bac pas’ Meical
Owen wyro oddiar Owen Hargreaves yn y funud ola un.
Melys iawn.
|
|
|
Gair
am air
Siart
Cymru
Llyfrau
ar y We
Nôl
i'r archif
