 |
|
Nofel
arbrofol
Ond nid gair am sâl ydi arbrofol y tro hwn
Dydd Iau, Mai 10, 2001
|
• Am Fod Seth yn Angel gan Aled Islwyn. Gwasg
Gomer £7.95 Nofel arbrofol i oedolion.
Adolygiad Beth Angell
Ni chyrhaeddodd Seth fel angel yn y post ond yn hytrach fel bwrn!
Peidiwch â chamddeall doeddwn i heb agor clawr y nofel pan ffurfiais
y farn hon .
Yn fy marn i mae nofel sydd yn cael ei disgrifio fel "arbrawf"
fel arfer yn defnyddio y gair fel esgus dros fod yn llyfr sâl, ond
nid dyna’r gwir y tro hwn !
Ymgolli yn y nofel
Pan gefais fy hel gan fy ngwr i’r llofft i ddarllen y llyfr (yn debycach
i dad yn fy siarsio i wneud fy ngwaith cartref) , gwnes hyn ag ebychiad
ac yn ddi-fwynhad.
Dychmygwch fy syndod, rai oriau yn ddiweddarach, o sylwi imi fod ar
goll yn y nofel ers oriau .
Mae hon yn nofel gyffrous. Hen air sydd yn cael ei or-ddefnyddio wrth
ddisgrifio nofelau – ond y tro hwn, y gair perffaith.
Cawn hanes Seth , y prif gymeriad an-hoffus, a’i ddylanwad ar y bobl
o’i gwmpas.
Pobl hunanol
Mae’r bobl mae Seth yn ei amgylchynu ei hun a nhw yn bobl hunanol,
di asgwrn cefn. Camp yr awdur y tro hwn yw iddo wrth greu nifer o
gymeriadau, pob un yn afiach yn ei ffordd fach ei hun, lwyddo i gynnal
diddordeb y darllenwr .
Yn amlach na pheidio y ffaith i ddarllenwr glosio at gymeriad sydd
yn eich siarsio i ddal ati i ddarllen . Y ffaith eich bod am ddilyn
ffawd rhyw gymeriad truenus neu weld cyfiawnder mewn sefyllfa anghyfiawn.
Mae yr awdur y tro hwn wedi creu stori ddarllenadwy a chwithau’n gwirioneddol
eisiau gwybod beth sy'n mynd i ddod nesaf.
Pa gynllun afiach sydd ar y gweill a pha mor isel medra o suddo ac
yna ei gyfiawnhau ei hun.
Os ydych chi wedi cael llond bol ar y straeon rhamant bondigrybwyll
a’r straeon ditectif bondigrybyllaf yna dyma’r nofel berffaith i chi
.
Os oes beirniadaeth i’w gwneud o’r llyfr yna y diweddglo agored yw
hwnnw – ond dim ond rhywun di ddychymig fydd yn cael ei siomi!
O.N Dwi’n edrych ymlaen yn barod at Am Fod Seth yn Angel 2
|
|
|
Gair
am air
Siart
Cymru
Llyfrau
ar y We
Nôl
i'r archif
