Wel, i'r rhai ohonoch chi sy'n ymddiddori mewn pethau technolegol, mae'r teclyn hir ddisgwyliedig wedi cyrraedd.
Am chwech o'r gloch neithiwr yng Nghymru, neu ddeg o'r gloch y bore yng Nghaliffornia, dadorchuddiodd cwmni Apple ei declyn diweddaraf, yr iPad.
Rhaid ei chael
O'r hyn rydw i'n ei ddeall, dyma'r ddyfais ddiweddaraf y bydd pawb yn dymuno ei chael. Yn wir, dyma'r ddyfais y bydd yn rhaid i bawb ei chael os credwch chi beth mae rhai pobl yn ei ddweud.
Mae'r iPad rywle yn y canol rhwng gliniadur a ff么n boced, yn ddyfais hwylus y gallwch chi ei chario gyda chi i ble bynnag yr ewch chi.
Drwy gyfrwng rhywbeth meinach a llai o faint na phad ysgrifennu A4, mi fyddwch chi'n gallu darllen pob math o bapurau newydd a llyfrau digidol, chwarae gemau, gwylio fideos a dyn a 诺yr faint o bethau eraill.
Yn hytrach na chario llyfrgell ar eich cefn, bydd y cyfan i'w gael ar y teclyn hwn.
Holi Blair
Tua'r un adeg ag yr oedden nhw'n dadorchuddio'r ddyfais hon, draw yn Nghanolfan Gynadledda'r Frenhines Elizabeth yn Llundain roedden nhw'n tynnu tua therfyn diwrnod arall o holi a stilio rhai o weision a chyn weinidogion y Llywodraeth ynghylch cyfreithlondeb y rhyfel yn Irac.
Fory, mae disgwyl i'r cyn Brif Weinidog, Tony Blair, ddod gerbron y pwyllgor archwilio, a rhoi ei farn yntau ar y cwestiwn tyngedfennol - a oedd hi'n gyfreithlon mynd i ryfela yn Irac?
Eisoes, mae cannoedd wedi sicrhau eu lle yn ystafell y gwrandawiad i glywed yr hyn fydd ganddo i'w ddweud.
Tybed fydd o'n gallu perswadio'r rhai a fydd yn ei holi o bod arfau dinistriol o fewn cyrraedd Saddam Hussein a'i gyfundrefn, ac mai lle Prydain ac America oedd mynd yno ar eu liwt eu hunain, waeth beth oedd gan y Cenhedloedd Unedig a mwyafrif y boblogaeth yma ym Mhrydain i'w ddweud?
Dalen l芒n
Pan ddaw'r holi i ben, tybed a fydd dalen Tony Blair yn l芒n?
Os mai dalen bapur fydd honno, gobeithio y bydd o'n sylweddoli un peth. Pan fyddwch chi'n gwneud eich marc, er gwell, er gwaeth, fe fyddwch chi'n gallu gweld 么l hynny ar dudalen nesaf y pad.
Os mai dalen mewn pad digidol fydd ganddo, a fydd y ddalen honno'n berffaith l芒n, ynteu a fydd yr i-Pad yn tueddu i ddod 芒'r gorffennol yn 么l o'i gof helaeth?
