Sbel yn 么l, a ninnau ar ymweliad ag Ynys Sicily, fe brynais i gerflun bychan o Iesu Grist.
Mae'n gerflun cywrain, wedi ei naddu, neu ei foldio, allan o lafa o losgfynydd Etna.
Y tro diwethaf i Etna ffrwydro dinistriwyd sawl pentre a channoedd o dai ac yr oedd yn syndod i mi fod rhyw gerflunydd wedi cymryd deunydd mor ddinistriol 芒 lafa i wneud portread o Grist.
Trafferthion i filoedd
Yr un deunydd, ond ar ffurf lludw, sy'n cael ei chwydu i'r awyr o'r llosgfynydd yng Ngwlad yr I芒 ar hyn o bryd gan achosi trafferthion i gannoedd o filoedd o deithwyr am mai peth peryglus ydi hedfan awyrennau drwy gymylau o ludw folcanig.
Mae 'cwmwl' wedi'i ddefnyddio erioed fel symbol o argyfwng. Cwmwl ydi profedigaeth pan fydd tywyllwch galar a thor calon yn cau amdanom ni.
Mae dioddef afiechyd blin fel bod dan gwmwl o boen a phryder a phan fo rhywun dan feirniadaeth ac wedi gwneud llanast o bethau fe ddywedwn ei fod o dan gwmwl.
Beth i'w wneud
Sut mae delio 芒 chymylau bywyd? Mae'r teithwyr druan sy'n treulio dyddiau mewn meysydd awyr yn gorfod bod yn amyneddgar a disgwyl i'r sefyllfa wella.
Fedra nhw wneud dim byd arall. A disgwyl yn dawel ac amyneddgar ydi'r unig ffordd i ddelio hefyd 芒 chymylau personol ac emosiynol.
Yn y canol oesoedd fe sgwennodd hen fynach anhysbys glasur ysbrydol o dan y teitl Cwmwl yr Anwybod.
Dim ond disgwyl
Weithiau ryda ni'n cael ein hunain dan gwmwl ysbrydol - yn methu gwedd茂o, yn teimlo'n ffydd yn wan ac yn colli gafael ar Dduw.
Be sydd i'w wneud ar adeg felly?
Ateb yr hen fynach ydi, "Disgwyliwch yn dawel wrth Dduw. Fe fydd y cwmwl yn mynd heibio ac fe ddaw haul ar fryn unwaith eto. Ond rhaid peidio digalonni, na chwerwi, ond aros a disgwyl a gwedd茂o.
"Ac yna, maes o law, fe ddaw wyneb Iesu i'r golwg hyd yn oed drwy'r cwmwl duaf.
