Diwedd tymor
Yma yn Llambed, sydd chwe milltir o Lanybydder, mae Tachwedd 1 yn ddyddiad arwyddocao. Dyma ddiwrnod Ffair Santesau yn Llanybydder.
Yn 么l y s么n, fe'i henwyd ar 么l hen gastell uwchben y pentref. Santesau - Dolwlff yw e nawr.
Mae'n codi'n serth, drigain neu ragor o droedfeddi o'r caeau islaw gyda'i hanes yn ymestyn yn 么l i ddyddiau'r Normaniaid - er ei fod wedi cael ei adeiladu a'r y ffurf roedd y Rhufeiniaid, ganrifoedd ynghynt, yn codi eu hamddiffynfeydd hwy.
Oferedd a gwagedd?
Mae ffeiriau megis carnifalau, syrcas a phantomeimau wedi cael eu difr茂o am fod yn oferedd ac yn llawn gwagedd - os yw hynny yn gwneud synnwyr!
Eto, yn eu dydd, yng nghalendr cymdeithasol ac economaidd yr ardaloedd hyn, roedd ffeiriau fel Ffair Fartin, Ffair Gwenog a Ffair Dalis a llu o rai eraill yn allweddol a gwerthfawr.
Byddai'n ben tymor wrth i weision a morynion eu mynychu i gael eu cyflogi a'r meistri yn casglu ynghyd i gyflogi.
Ffermwyr yn dod a'u cynnyrch a'u hanifeiliaid i'w gwerthu er mwyn cael arian i dalu cyflog y gwas a'r forwyn a chlirio hen gownt.
Yn bwysig
Roeddent yn bwysig eithriadol yn hynt y flwyddyn amaethyddol.
Ar noson Ffair Calan Gaeaf byddai'r gwartheg yn cael eu clymu yn y beudy dros y gaeaf. Rhaid oedd eu bwydo dan do at y gwanwyn.
Newidiodd pethau yn ddirfawr erbyn heddiw ond eto fe gynhelir marchnadoedd anifeiliaid a llawer yn cyfeirio atynt yn 么l enw'r ffeiriau.
Daw'r ffeiriau pleser yn eu tro sydd hefyd yn cael eu cysylltu ag enwau'r hen ffeiriau.
Pan ddaw ffair bydd hwrlibwrli a rhialtwch gyda'r hyrdi gyrdi a s诺n y trugareddau a'r hwyl yn fwrlwm egn茂ol.
Wedyn daw distawrwydd, a llonyddwch.
Gall hynny fod yn anodd iawn. Pan fo'r cyffro yn tawelu mae'n anodd dod n么l a'n traed ar y ddaear.
Neithiwr, nos Calan Gaeaf, mae'n si诺r nad oedd y gnoc annisgwyl ar y drws, ymhell o fod yn j么c ddoniol i'r un oedd yn unig y tu fewn.
Yn waeth heddiw
Fel arfer yr amser yma o'r bore mae hi fel ffair adref. Mae'n si诺r o fod yn waeth heddiw wedi seibiant gwyliau yr wythnos ddiwethaf.
Er cael awr ychwanegol echnos, galla'i ddychmygu mai ras yn erbyn y cloc yw hi i lawer ohonoch chithau y bore 'ma eto.
Ochr arall y geiniog yw mudandod o fywyd dibwrpas gyda dim byd penodol i anelu ato neu dawelwch unigrwydd sy'n ein llethu?
Onid yw hynny hefyd yn medru bod yr un mor anodd?
