Gellid honni mai Recorde yw'r Cymro mwyaf dylanwadol gan mai'r meddyg arloesol hwn a sefydlodd yr ysgol Fathemateg Seisnig gan gyflwyno algebra i Brydain. Ef hefyd greuodd yr arwydd hafaliad (=) mewn mathemateg.
Ganwyd Robert Recorde yn 1510 a magwyd ef yn Ninbych y Pysgod
Yn ymddangosiadol, dyma stori o lwyddiant mawr i'r sgolor o'r 16fed ganrif. Cafodd fynediad i Brifysgol Rhydychen oddeutu 1525 gan ennill Cymrodoriaeth yn All Souls College yn 1531.
Penderfynodd ar feddygaeth fel proffesiwn gan astudio am radd M.D. yn 1545. Dychwelodd wedyn i Gaergrawnt i ddysgu Mathemateg. Mae'n ymddangos iddo fynd i Lundain wedi hyn lle bu'n feddyg personol i'r Brenin Edward VI a'r Brenhines Mary. Fe dalodd teyrnged iddynt yn ei lyfrau.
Roedd yn amlwg yn ddyn galluog a dylanwadol iawn. Am gyfnod bu'n rheolwr y 'Royal Mint' ac yn gwasnaethu fel "Comptroller of Mines and Monies' yn yr Iwerddon.
Cred bod Recorde wedi digio gelyn gwleidyddol wnaeth ei erlyn i'r llys am enllib. Collodd ei swydd a'i arian o ganlyniad ac erbyn ei farwolaeth yn 1558 roedd e mewn carchar i ddyledwyr.
Ei funud fawr yn sicr oedd creu un o'r arwyddion pwysicaf ac amlycaf yn y byd i gyd sef yr hafaliad = (yr arwydd 'equals').
Hanes y b锚l hirgron o'i gwreiddiau hyd at y Gamp Lawn
