|
Mae'r aml-dalentog Fflur yn adnabyddus am ei gwaith llenyddol a cherddorol ers rhai blynyddoedd bellach, ond mae'r flwyddyn ddiwethaf wedi bod yn un fawr iddi gan ryddhau ei halbwm unigol cyntaf, 'Coch am Weddill fy Oes', ac yna ennill prif wobr lenyddol Cymru am ei nofel Atyniad. Bydd cyfle i'r gynulleidfa flasu ychydig o'r ddau dalent yn Bont wrth iddi berfformio set acwstig o'i chyfansoddiadau diweddaraf, yn ogystal 芒 darllen detholiad o'i nofel buddugol.
Dyma fydd y cyntaf o'r nosweithiau misol 'Bontcwstig' a fydd yn cael eu cynnal ym Mar y Pafiliwn, a'r bwriad yn 么l y trefnwyr yw i ddarparu nosweithiau ysgafn o safon yn awyrgylch hamddenol yr ystafell.
Dywedodd un o'r trefnwyr, Dewi Si么n Evans, "does dim digon o weithgareddau fel hyn yn digwydd yn yr ardal ar hyn o bryd, a does dim esgus erbyn hyn gyda'r adnodd gwych sydd gennym yn Bont. Wrth gwrs, mae croeso i unrhywun ymuno 芒 ni i helpu trefnu'r digwyddiadau hyn."
Mae Rheolwr y Pafiliwn, Owain Schiavone yn gweld cynnal digwyddiadau bychain fel hyn yr un mor bwysig 芒 denu rhai mawr i'r adnodd, meddai, "rydym yn awyddus iawn i weld pobl leol yn cymryd mantais o'r Pafiliwn trwy gynnal gweithgareddau amrywiol. Mae'n bwysig i bobl gymryd perchnogaeth o'r Pafiliwn a'i ddatblygu fel canolbwynt i'r gymuned."
Am fwy o fanylion yngl欧n a'r noson gallwch ffonio'r Pafiliwn ar 01974 831 635.
 |
听
