Neilltuwyd Medi 30 2010 yn ddiwrnod i gofio Waldo Williams - bardd y dywedwyd amdano fod ganddo onestrwydd plentyn.
Yr oedd hynny 106 o flynyddoedd i'r diwrnod ers ei eni yn nhref Hwlffordd ar Fedi 30 1904.
Yn fab i athro ysgol gynradd daeth yn un o feirdd mwyaf poblogaidd Cymru
Yn genedlaetholwr ac yn heddychwr safodd yn gadarn dros ei egwyddorion a htd yn oed ddioddef carchar.
ni siaradai Gymraeg o'i fabandod ond dysgodd yr iaith ym mhentref Mynachlog-ddu ger Crymych yng nghwmni plant yr ardal, ac yntau'n saith oed.
Cofnododd y profiad yn un o'i gerddi cynharaf, Yr Iaith a Garaf:
"Pan oeddwn blentyn seithmlwydd
Oed . . . dy lais a dorrodd ar fy nghlyw."
