Canwr ac actor ddaeth yn enwog yn y ffilm Gymraeg Ibiza Ibiza
Ganed yng Nghwmtawe, a chafodd ei addysg yn Ysgol Gynradd Pant-Teg, Ysgol Gyfun Ystalyfera a Phrifysgolion Aberystwyth ac Abertawe. Yr oedd yn aelod o'r bandiau 'Y Crach' a'r anfarwol 'Trwynau Coch', ac mae wedi cael gyrfa ym myd teledu fel cyflwynydd, cynhyrchydd ac actor.
Ef a gyfansoddodd y g芒n elusen i Ethiopia 'Dwylo dros y m么r' (1985), a chrisialodd ei ymddangosiad fel Carlos yn y ffilm Ibiza Ibiza!' ei le yng nghalon merched Cymru fel un o heart throbs mwyaf Cymru yn yr wythdegau! Roedd ei albym gyntaf 'Rhywbeth o'i le' (1986), yn cynnwys clasuron megis trac teitl yr albym, c芒n ddirdynnol am farwolaeth milwr yng ngogledd Iwerddon, 'Parti'r Ysbrydion', (efo'n gilydd - "bwbwgibwgibwbwgibwbwgibw(!)" a daeth 'Y Cwm', ei deyrnged i'r cwm lle'i magwyd, yn ffefryn i'w pherfformio ymysg corau meibion. Buan iawn y daeth yr albym yn gefndir i ddisgos Cymraeg ledled Cymru.
Fe'i dilynwyd gan 'Rhywun yn gadael' (1989) (bydd rhai ohonoch yn cofio'r anfawrol 'Tatws') a 'Cameo Man' (1993), recordiad preifat a ryddhawyd gan Huw yn bersonol, ac a ddosbarthwyd gan Sain. Roedd yn albym a'i gwelai yn ymestyn ei adennydd i ganeuon 芒 thinciau jazz a ffync - albym hyfryd ac aeddfed sy'n haeddu cael ei hailwerthuso.
Ar 么l cryn seibiant o recordio, ryddhaodd 'Dere Nawr' (2003) ar label Sain, casgliad o ganeuon sy'n ochri at ganu gwlad o ran arddull, heb lithro i sentiment nodweddiadol y genre hwnnw. Ceir teyrngedau i hen gymeriadau ei gwm, a golwg ar ochr dywyll ei fywyd, gyda theimladau dwys ac anodd o edifeirwch ac hunan-ymchwil.
Roedd yn fyd oddi wrth 'Chiz' seren bop yr 80au, ac efallai i'r casgliad ddod braidd yn syndod i'r rhai a oedd yn dal i'w gofio felly. Serch hynny, roedd yr hen elfennau yno, ei lais cadarn swynol, baledau 芒 threfniadau dychmygus, clust am alaw a geiriau syml a guddiai haenau o deimlad. Roedd yn taflu golwg newydd arno unwaith eto.
Mae'n parhau i berfformio a recordio ac fe fydd yn canu yn Eisteddfod Genedlaethol Caerdydd 2008. Mae Huw Chiswell hefyd wedi rhyddhau casgliad o'i oreuon erbyn hyn.
听
