主播大秀

Gwlad yr Addewid yn y Steddfod

03 Awst 2010

Cyfieithiad o ddrama Ed Thomas, House of America yw cynhyrchiad Theatr Genedlaethol Cymru ar gyfer Eisteddfod Genedlaethol Blaenau Gwent.

Bydd Gwlad yr Addewid yn cael ei pherfformio gyntaf yn Theatr y Met, Abertyleri, nos Fawrth yr Eisteddfod gyda pherfformiadau eraill nos Fercher a nos Iau.

Cyflwr economaidd enbyd cymoedd y de a'i effaith ar fywyd teulu a chymuned yw testun y ddrama gan adlewyrchu cymdeithas sydd heb waith, heb obaith a heb foesoldeb.

Cafodd ganmoliaeth fawr yn Saesneg pan gafodd ei llwyfannu gyntaf yn 1988.

Sharon Morgan a oedd yn chwarae un o'r prif rannau yn y cynhyrchiad hwnnw sydd wedi ei chyfieithu i'r Gymraeg.

"O ganlyniad mae gwybodaeth Sharon o'r ddrama heb ei ail ac roedd hynny'n ei gwneud yn gyfieithydd perffaith," meddai Rheolwr Marchnata Theatr Genedlaethol Cymru, Elin Angharad Williams.

"Hwn yw cynhyrchiad proffesiynol cyntaf Gwlad yr Addewid," ychwanegodd.

Cyfarwyddir Gwlad yr Addewid gan Tim Baker a gynhyrchodd Porth y Byddar i'r cwmni yn 2008.

"Er i House of America weld golau dydd gyntaf dros 20 mlynedd yn 么l y mae'n parhau i fod a'i harwyddoc芒d i ni heddiw ac rwy'n edrych ymlaen i ddod 芒'r ddrama eiconaidd hon yn fyw i ddilynwyr y ddrama Gymraeg," meddai.

Y pump sy'n cymryd rhan yw, Rhodri Meilir, Sarah Harris-Davies, Alun ap Brinley, Elin Phillips a Si么n Young.

Llwyfannir Gwlad yr Addewidyn Theatr y Met, Abertyleri, nosweithiau Mawrth, Mercher, Iau a Gwener, Awst 3-6 gyda phob perfformiad yn dechrau am 7.30.

Gellir cael tocynnau o Theatr Fach y Maes neu'r Met (Ff么n: 01495 544600) a darperir bysiau i gludo'r gynulleidfa o Faes yr Eisteddfod ac o'r Maes Carafanau i'r perfformiadau yn Abertyleri.

Yn dilyn y perfformiadau yn yr Eisteddfod Genedlaethol bydd taith o gwmpas Cymru.