主播大秀 Cymru'r Byd - Eisteddfod yr Urdd 2007

Straeon

Yr Urdd yn newid ysgol

Awyrgylch yn newid mewn ysgolion

Disgrifwyd sut y mae gweithgareddau'r Urdd yn gallu newid awyrgylch ysgolion yn llwyr.
Wrth dalu teyrnged i'r Urdd am yr holl wahanol gyfleon y mae'r mudiad yn ei gynnig i blant a phobl ifainc dywedodd llywydd y mudiad, Gareth James, sy'n ddirprwy brifathro Ysgol Gymraeg Aberystwyth, fod awyrgylch yr ysgol yn newid yn llwyr unwaith y mae paratoadau ar gyfer eisteddfodau'r Urdd ar y gweill.

"Tymor y gwanwyn yw'r tymor gorau yn ystod y flwyddyn gen i - pan yw'r ysgol yn ymarfer ar gyfer eisteddfodau cylch, sir ac yna y genedlaethol," meddai.

"Mae'r awyrgylch yn yr ysgol yn newid shwd gymaint gan fod y plant a rhyw egni ychwanegol ganddyn nhw a rhyw fwrlwm ychwanegol."

Yn siarad ar y Maes ddechrau'r wythnos canmolodd hefyd yr amrywiaeth o gyfleon y mae'r Urdd yn eu cynnig i blant a phobl ifainc.

Dywedodd iddo ef fod yn cystadlu ar bethau mor wahanol 芒 cherddoriaeth a gymnasteg gyda'r mudiad pan yn blentyn.

"Mae'r Urdd yn gallu darparu ar gyfer pawb a phopeth - mae rhywbeth gennym i'w gynnig i bawb," meddai.

Straeon

Lluniau

Cysylltiadau

Dyw'r 主播大秀 ddim yn gyfrifol am gynnwys safleoedd rhyngrwyd allanol