主播大秀

My love she's but a lassie yet,
My love she's but a lassie yet;
We'll let her stand a year or twa,
She'll no be half sae saucy yet.

I rue the day I sought her O,
I rue the day I sought her O,
Wha gets her needs na say he's woo'd,
But he may say he's bought her O.

Come draw a drap o' the best o't yet,
Come draw a drap o' the best o't yet:
Gae seek for Pleasure whare ye will,
But here I never misst it yet.

We're a' dry wi' drinking o't,
We're a' dry wi' drinking o't:
The minister kisst the fidler's wife,
He could na preach for thinking o't.