主播大秀

Mae'r Sherbet Antlers wedi glanio!
Newyddion arbennig i holl ffans Catatonia ydy bod cyn-aelodau'r grwp - Mark Roberts a Paul Jones, wedi ffurfio grwp newydd gyda John Griffiths a Kevs Ford o Llwybr Llaethog. Mae C2 newydd dderbyn copi o sengl newydd y 'Sherbert Antlers' fydd allan yn y siopau ar Chwefror 9fed, 2004.

Enw'r sengl dwbwl fydd 'Hikikomorai/Let Yourself Go' a mae'n cael ei rhyddhau ar label Llwybr Llaethog, sef Neud nid Deud. Yn galw eu hunain yn 'grown up boy-band', mae'r gerddoriaeth yn gymysgedd o synau electroneg a gitar gyda harmoniau melodic ac ychydig o help gan lais Delyth Eirwyn.

Mae'n debyg mae rhyw fath o gyflwr lle mae pobl ifanc yn cloi eu hunain yn eu hystafelloedd gwely ydy hikikomorai. Mae'n broblem fawr yn Japan ar hyn o bryd, a mae gan y grwp ddipyn o ffans yn y wlad honno yn barod. Cofiwch wrando ar C2 dros yr wythnosau nesaf i glywed y sengl - am fwy o wybodaeth ewch i wefan y grwp - .