Chwarter Call yw'r 'Cŵn Argae' Cymreig
| 21:14, Dydd Mawrth, 21 Gorffennaf 2009
Wythnos arall wedi fflio, a bellach... dim ond 10 diwrnod sydd i fynd tan Eisteddfod Genedlaethol y Bala 2009!! Methu'n glir a disgwyl, a bydd criw C2 yno am yr wythnos gyfan yn darlledu o gefn-llwyfan Maes B, gan ddod a'r gorau o gigs Maes B a gigs Cymdeithas yr Iaith i chi - a lot, lot mwy o hwyl y 'Steddfod... ond mwy am hynny ar C2 dros yr wythnos nesaf 'ma.
Y fideo gafodd sylw yn yr ail-bit (neu 'Gwyliwch y Fideo' fel dwisho ei alw fo - ddim yr enw mwyaf bachog, felly helpwch fi plis!) oedd Chwarter Call - Cana Gan.
Mi ffilmwyd y fideo ar gyfer Uned 5, gyda'r band ifanc o ardal Llangefni yn edrych yn smart iawn mewn siwtiau 'Reservoir Dogs'-aidd. Mi allwch chi wylio'r fideo yma:
Artist 'Gwyliwch y Gofod' yr wythnos yma yw 'Aran Fôn' - gyda'i gan hafaidd, fachog, amserol iawn, 'Carafan'. Gallwch weld manylion tudalen myspace Aran Fôn drwy fynd i adran 'Gwyliwch y Gofod' ar wefan C2.
Reit, dwi'n mynd adra i lanhau fy welis ar gyfer y 'Steddfod!
Hwyl am y tro,
Rob.
Y newyddion diweddaraf am gerddoriaeth, gigs, artistiaid a mwy gan griw C2.
SylwadauAnfon sylw
Cyn i neb arall ddweud dim byd - newydd sylwi ar fy nghamgymeriad! 'Cronfa Ddwr' yw 'Reservoir' wrth reswm, ac nid 'Argae'! Wedi bod yn ddiwrnod hir! 'Argae' sydd yn creu 'Reservoir' - na 'chi Wenglish da!
Cwn Cronfa achan!