O'r Alban i Abersoch
| 10:21, Dydd Mercher, 8 Gorffennaf 2009
Mae'r haf o wyliau cerddorol yn parhau i fi eleni gyda T in the Park yn yr Alban dros y penwythnos. Heb fod o'r blaen, a fi'n edrych mlaen i weld yr wyl mae pawb yn ei ganmol gymaint. Mae'r gynulleidfa Albanaidd yn enwog am fod ymysg y gorau yn y byd; mae bandiau a DJ's wrth eu boddau yn chware iddynt achos mae nhw'n gwybod sut i gael parti.
Dydd Sul mi fyddai'n DJ'io yng Ngwyl Wakestock yn Abersoch. Mae'n wyl sydd wedi tyfu dipyn ac yn parhau i ddathlu'r chwaraeon o donfyrddio a dod a bandiau enfawr i chwarae yno i gynulleidfa wych. Edrych mlaen i weld Y Promatics, Dizzee Rascal a'r Gallops yn fawr!
Y newyddion diweddaraf am gerddoriaeth, gigs, artistiaid a mwy gan griw C2.
