Tipyn o wagedd
Yr ydw i am godi fy nhestun y bore ma, fel petai, o Lyfr Y Pregethwr. Y bennod gyntaf, yr ail adnod.
Flynyddoedd lawer yn ôl bellach ar draws dalen flaen Y Ddraig Goch', newyddiadur Plaid Cymru, ymddangosodd y pennawd mewn llythrennau bras, "Cynlluniau Llafur ar gyfer Cymru".
Ac oddi tano dwll mawr gyda'r ddalen er yn wag ac yn wyn a'i neges yn gwbl eglur o safwynt y Blaid.
Digwyddodd rhywbeth tebyg yn y rhifyn diwethaf - ac olaf - o Y Llan, newyddiadur yr Eglwys yng Nghymru.
Y darllenwyr, meddai'r golygydd wrthyf, "i ddehongli'r blwch gwag fel y mynnent!"
Gan na fydd Llan arall - mae croeso ichi anfon eich dehongliadau yma ataf i - ac unrhyw sylw hefyd am y dull newydd a thrawiadol hwn o adolygu!
A thybed faint fydd o'r un farn a minnau fod hwn yn arferiad y gallai ambell i awdur ei fabwysiadu. Rhoi'r gorau iddi wedi'r pennawd.
Beth bynnag, ar gyfer y rhai hynny sydd wedi arfer efo adolygiadau mwy confensiynol gallaf eich cyfeirio at un ar ein gwefan lyfrau ni! Cliciwch ar y twll bach gwag hwn ___
A phe byddech yn chwilio am adnod berthnasol piciwch draw i Lyfr Y Pregethwr yna, Pennod 1 Adnod 2.
