Angen dweud - dyfyniadau
Dwy seren chwaraeon newydd, bwyell Cyllideb, ail agor tafarn ochr ffordd a diet torcalon - rhai o'r pethau i'n helpu gofio'r wythnos a fu. Dyfyniadau o'r wasg ac ar y cyfryngau Cymreig.
A gwahoddiad i chwithau rannu gyda ni y doniol, y difyr neu'r dwys a welsoch chi. Anfonwch nawr . . .
- Yr ydw i wedi bod ar ddiet tor calon - Charlotte Church wedi colli pwysau.
- Yr oedd Helena Bonham Carter a Tim Burton yno ond doedd gen i mo'r plwc i siarad â nhw - Steffan Rhodri yn dilyn premiere y ffilm Harry Potter newydd mae ynddi.
- Yr ydym wrth ein boddau'n dychwelyd i ganolfan lle'r ydym wedi treulio cymaint o oriau yn perffeithio ein sgiliau snwcer - Nicky Wire o'r Manic AStreet Preachers a fydd yn perfformio yn Sefydliad y Glowyr y Coed Duon ar gyfer Radio 2 fis Rhagfyr.
- Dydw i erioed wedi llifo fy ngwallt o'r blaen ond mae Cheryl wedi fy ysbrydoli - Lliw gwallt Cheryl Cole yn gwneud argraff fawr ar Imogen Thomas.
- Ponty - prifddinas llofruddiaeth Cymru - Pennawd yn y 'Wales on Sunday' uwchben erthygl am Bontypridd.
- Penderfyniad Radio 1 oedd o, mae pobl yn tybio mai fy un un oedd o. Ond y maen nhw'n canfod talent newydd felly dydw i ddim yn meddwl ei fod yn ddim byd personol - Bethan Elfyn yn y 'Wales on Sunday' am ei hymadawiad o Radio 1.
- Yr ydym yn benderfynol o wneud yr hyn sydd ei angen i sefyll dros bobl Cymru a pharhau i ddarparu'r gefnogaeth iawn i'r rhai sydd ei hangen fwyaf - Jane Hutt AC yn cyhoeddi cyllideb ddraft y Cynulliad.
- Gwnaed y penderfyniad yn dilyn cyngor gan Heddlu Dyfed-Powys - Ysgrifennydd Cymru, Cheryl Gillan AS, yn ailfeddwl ynglŷn â dod i siarad ym Mhrifysgol Aberystwyth.
- Mae'r holl beth yn ymddangos yn ddoniol ond dydi o ddim mewn gwirionedd - Anthony Rose 49 oed y bu'n rhaid iddo ffonio pencadlys yr heddlu wedi iddo gael ei adael yng nghyntedd gorsaf heddlu'r Rhyl a'r drws i fynd allan wedi cloi. "Mae'n rhaid eu bod wedi mynd am eu cinio," meddai am blismyn yr orsaf.
- 4 waleS C england - teitl drama newydd am helyntion S4C gan fyfyrwyr Ysgol Theatr, Cerdd a'r Cyfryngau Prifysgol y Drindod dewi Sant.
- Mae darnau sy'n gwneud i fi grio ynddi - Dewi Prysor yn 'am ei nofel newydd, 'Lladd Duw'.
- Mae'n afon swynol sy'n gafael yn nychymyg pawb - Anne Meikle, Pennaeth WWF Cymru wedi i Afon Gwy gael ei dewis yn . "Hudolus a thragwyddol," oedd un disgrifiad ohoni.
- Yn rhy aml, plant yw'r dioddefwyr tawel cudd mewn achosion o drais yn y cartref. Gall hyn gael effaith ddinistriol ar eu datblygiad, eu haddysg, iechyd a sgiliau cymdeithasol - Cheryl Martin, mudiad Cymorth i Ferched yn dilyn cyhoeddiad i 1,000 o blant orfod y llynedd.
- Â chyffur i ast ddolurus, a'n dawn
I dynnu llo'n hwylus,
neu drin hesbin, boed hysbys,
Ii unrhyw fro awn ar frys
- Bruce Griffiths yn yn dyfynnu englyn mewn hysbyseb gan gwmni milfeddygon yn Nolgellau gan holi pwy bia'r clod am yr englyn. - Mae fy nghalon yng Nghymru - Mary Hopkin.
- Os yw yng nghanol yr wythnos rwy'n credu y byddai'n syniad da iawn cael gwyliau banc - David Cameron y Prifweinidog wrth sôn am briodas y Tywysog William a Kate Middleton.
- Fe'm sicrhawyd nad oes yna unrhyw gynlluniau i breifateiddio y Bathdy Brenhinol - Cheryl Gillan AS, Ysgrifennydd Cymru.
- Dyma'r lle'n magwyd ni, felly rydym yn deall pwysigrwydd y gymuned - Dewi Gwynne sydd, gyda'i wraig, y tu ôl i ar y ffordd rhwng Dolgellau a Machynlleth wedi dwy flynedd ynghau.
- Yr ydw i bob amser wedi bod â hyder yn fy ngallu fy hun ond wnes i ddim meddwl y byddai Lloegr yn digwydd y tymor hwn - Jay Bothroyd, y chwaraewr pêl-droed cyntaf erioed o glwb Caerdydd, ac unrhyw glwb Cymreig, i'w ddewis i chwarae i Loegr.
- Yr oedd yr holl brofiad yn llawer mwy nag oeddwn i wedi'i ddisgwyl - George North yn dilyn ei gêm gyntaf i Gymru.
