Dewi Llwyd a Rob Piercy
Yn enwog am ei dirluniau o Eryri mae'r arlunydd Rob Piercy yn gredwr cryf mewn gweithio'n ddisgybledig o 10 - 5 yn ystod yr wythnos ond fydd o byth yn peintio ar y Sul.
Dyma un diwrnod i'w dreulio gyda'r teulu neu gyda chlwb dringo Porthmadog .
Fe fu'n aelod o'r clwb ers y 60au ond mae'n cyfaddef eu bod yn cerdded dipyn mwy na dringo wrth fynd yn hÅ·n!
Wedi blynyddoedd o weithio fel athro, dyma benderfynu ail afael o ddifrif yn y peintio ac agor oriel ym Mhorthmadog ym 1986, yn dilyn ei lwyddiant yn yr oriel fe gafodd roi'r gorau i ddysgu a chanolbwyntio ar gelf dair blynedd yn ddiweddarach.
Mae'n cyfaddef mai y printiau sy'n cynnal y busnes, ac y byddai wrth ei fodd petai'n gwerthu un llun gwreiddiol yr wythnos.
Mae hefyd yn cyfaddef iddo ddysgu disgyblion oedd yn fwy naturiol ddawnus nag ef, ond i fod yn artist llwyddiannus mae rhaid wrth ddawn yn ogystal â gwaith caled!
Fel un sy'n mwynhau tirwedd Cymru yn well yn y gaeaf na'r haf , gan fod y mynyddoedd yn llawer fwy difyr a'r golau yn well, peidiwch a'i wylltio drwy feiddio galw ei wlad enedigol yn 'Gymru fach'.