Ö÷²¥´óÐã

v Yr Iseldiroedd
11 Mehefin 1400 BST, Leipzig

v Yr Ariannin
16 Mehefin 1400 BST, Gelsenkirchen

v Cote d'Ivoire
21 Mehefin 2000 BST, Munich

Wedi perfformio'n siomedig tu hwnt wrth golli yn erbyn Azerbaijan a'r Ffindir yn ystod gemau rhagbrofol Ewro 2004, llwyddodd Serbia a Montenegro i orffen ar y blaen i Sbaen yng Ngrŵp 7

Nid oes yr un seren yn y garfan gyda Ilija Petkovic yn creu tîm o chwaraewyr ag ysbryd gwych sydd yn fodlon brwydro.

Hanes yng Nghwpan y Byd:
Chwaraeodd Serbia a Montenegro yng Nghwpan y Byd 1998 o dan yr enw Yugoslavia er bod Croatia, Bosnia Herzegovina, Slofenia a Macedonia wedi gadael Cymdeithas Bêl-droed Yugoslavia wedi iddynt sicrhau annibyniaeth yn y 1990au.

Ond roedd yr hen Yugoslavia wedi chwarae yng Nghwpan y Byd ar wyth achlysur gan gyrraedd y rowndiau cynderfynol ddwywaith - ym 1930 a 1962.

Sêr y Tîm:
Er bod nifer o'u cefnogwyr yn credu fod Dejan Stankovic yn perfformio'n well i'w glwb, Internazionale, na thros ei wlad, mae'r chwaraewr 27-mlwydd-oed yn allweddol yng nghanol cae i Serbia a Montenegro.

Bydd cefnogwyr Manchester United yn ymwybodol o'r amddiffynnwr Nemanja Vidic, tra bydd cefnogwyr Chelsea yn cofio Mateja Kezman, lwyddodd i rwydo pum gôl yn ystod y gemau rhagbrofol.

Barn Ö÷²¥´óÐã Cymru'r Byd:
Mae Grŵp C yn hynod o anodd gyda pedwar tîm o safon yn cystadlu am ddau le yn yr ail rownd. Y cwestiwn mawr sy'n wynebu Serbia a Montenegro yw fydd eu carfan ddigon cryf i ymdopi â thair gêm anodd o fewn 10 diwrnod.