- Enw
- Beth yw eich gwaith?
- Pa waith arall ydych chi wedi bod yn ei wneud?
- O ble'r ydych chi'n dod?
- Lle'r ydych chi'n byw yn awr?
- Wnaethoch chi fwynhau eich addysg?
- Beth wnaeth ichi sgrifennu eich llyfr diweddaraf - dywedwch ychydig amdano?
- Pa lyfrau eraill ydych chi wedi eu sgrifennu?
- Pa un oedd eich hoff lyfr pan yn blentyn?
- A fyddwch yn edrych arno'n awr?
- Pwy yw eich hoff awdur?
- A oes unrhyw lyfr wedi gwneud argraff arbennig neu ddylanwadu arnoch?
- Pwy yw eich hoff fardd?
- Pa un yw eich hoff gerdd?
- Pa un yw eich hoff linell o farddoniaeth?
- Pa un yw eich hoff ffilm a rhaglen deledu?
- Pwy yw eich hoff gymeriad a'ch cas gymeriad mewn llenyddiaeth?
- Pa ddywediad, dihareb, adnod neu gwpled sydd agosaf at y gwir?
- Pa un yw eich hoff air?
- Pa ddawn hoffech chi ei chael?
- Pa dri gair sy'n eich disgrifio chi orau?
- A oes rhywbeth yr ydych yn ei ddrwglecio amdanoch eich hunan?
- Pa berson byw neu hanesyddol ydych chi'n ei edmygu fwyaf a pham?
- Pa ddigwyddiad hanesyddol fyddech chi wedi hoffi bod yn rhan ohono?
- Pa berson hanesyddol hoffech chi ei gyfarfod a beth fyddech chi yn ei ddweud neu ei ofyn?
- Pa un yw eich hoff daith a pham?
- Beth yw eich hoff bryd bwyd?
- Beth yw eich hoff weithgareddau amser hamdden?
- Pa un yw eich hoff liw?
- Pa liw yw eich byd?
- Pe gallech gyflwyno deddf newydd beth fyddai hi?
- A oes gennych chi lyfr arall ar y gweill?
- Beth fyddai'r frawddeg agoriadol ddelfrydol i nofel neu waith arall?
Angharad Price
Darlithydd yn y Gymraeg yng ngholeg Bangor.
Gweithio yn nhafarn yr Anglesey, Caernarfon.
Gweithio mewn siop ddillad dynion yn yr Almaen.
Dysgu Cymraeg yn Fienna.
Darlithio yn y Gymraeg yn Abertawe a Chaerdydd.
Bethel, Caernarfon.
Caernarfon.
Do, yn fawr iawn - o'r ysgol gynradd hyd at y brifysgol.
Mae Caersaint yn adrodd hanes Jaman Jones sy'n dychwelyd i'w dref enedigol wedi saith mlynedd i ffwrdd. Daw i adnabod ei gymdogion a chymeriadau'r dref, a syrthio mewn cariad 芒 gwraig y darpar- Faer, a chael ei hun yn sefyll yn yr etholiad...
Nofel hwyliog (gobeithio) ac iddi gyffyrddiad cartwnaidd. Mi gefais fy ysbrydoli i'w sgwennu gan dref Caernarfon, a chan ffraethineb a dyfeisgarwch y Cofis wrth drin iaith (er enghraifft, mae enw 'Jaman' ei hun yn air tafodieithol sy'n golygu anffawd ac embaras. Roeddwn eisiau mynegi fy ngwerthfawrogiad o'r cyfoeth hanesyddol a chyfoes sydd yn y dref.
Tania'r Tacsi, stori fer hir a sgwennais pan oeddwn yn byw yn Fienna. O! Tyn y Gorchudd, sef nofel yn seiliedig ar hanes teulu fy mam ym Maesglasau. Llyfrau academaidd ar ryddiaith Gymraeg gyfoes, ac ar y Cymry alltud yn yr Eidal.
Roeddwn yn hoff iawn o gyfresi 'Y Llewod' gan Dafydd Parri a 'Criw Crawia' gan Emily Huws. Yn Saesneg, The Secret Garden gan Frances Hodgson Burnett.
Byddaf yn prynu Y Llewod a Criw Crawia ar gyfer fy mhlant fy hun pan welaf nhw mewn siopau ail-law, ac mae The Secret Garden yn dal i wneud i mi grio.
Dwi'n edmygu llawer iawn o sgwenwyr, ond Tolstoy ydi'r ffefryn ar y funud.
Oes, gormod o lawer i'w henwi.
Patrick McGuinness. (Ymhlith llu o rai eraill...)
Mae rhai o emynau Ann Griffiths yn fy nghyffwrdd, i'r byw.
Mae gwahanol linellau yn dod i'm pen ar yr adegau rhyfeddaf.
Fy hoff ffilm ydi Singing in the Rain
Levin yn y nofel Anna Karenina - hunanbortread (caredig) o Tolstoy ei hun.
O natur, dydyn nhw ddim yn agos iawn at y gwir
Awel.
Medru wfftio barn pobl eraill.
Mam. Sgwennwr. Cymraes .
Mae fy mogail fy hun yn beth reit anniddorol ac amherthnasol...
Dwi'n fwy tebygol o edmygu rhywun byw gan fy mod yn gallu eu hadnabod; byddaf yn edmygu rhywun newydd bob dydd, bron.
Nid digwyddiad - ond byddwn wedi gwerthfawrogi cael cyfarfod fy nhaid, peiriannydd morwrol a dreuliodd ei fywyd yn teithio moroedd y byd. Bu farw rai misoedd cyn i mi gael fy ngeni.
Y Cymry alltud yn yr Eidal adeg Elisabeth I - Gruffydd Robert (Milan), Morys Clynnog, Owen Lewis a Sion Dafydd Rhys: Cymry a ddaeth i gyffyrddiad 芒 digwyddiadau tyngedfennol eu hoes.
Dwi'n hoff iawn o fynd ar hyd y Foryd, Caernarfon ar fy meic: mae gweld y m么r a'r mynyddoedd yr un pryd yn wefreiddiol.
Pryd bwyd yng nghwmni enaid hoff cyt没n.
Chwarae gyda fy mhlant neu fynd am dro. Ac mae 'na eiliadau o dangnefedd i'w cael weithiau wrth roi dillad ar lein.
Gwyrddlas / glaswyrdd.
Mae'n dibynnu ar y tywydd.
Mi hoffwn i'r Cynulliad gael rhwydd hynt i gyflwyno deddfau newydd!
Llyfr ar y cyfnod a dreuliodd T.H. Parry-Williams yn yr Almaen a Ffrainc cyn y Rhyfel Byd Cyntaf.
Mae'n dibynnu'n union ar yr hyn a ddaw wedyn.
