主播大秀

Mae鈥檙 dudalen yma wedi cael ei harchifo ac nid yw鈥檔 cael ei diweddaru bellach. Mwy am dudalennau sydd wedi eu harchifo.

MAWRTH
18fed Tachwedd 2014
Hygyrchedd
Geiriau Yn Unig

	主播大秀主播大秀page

禄	Cymru'r Byd Eisteddfod 2004 Mwy o'r Maes Newyddion Lluniau Cefndir Cysylltiadau Chwaraeon Y Tywydd 听
	Ymateb Cymorth Wedi mwynhau'r ddalen hon? Anfonwch hyn at gyfaill! 听

Urddo Aled Lloyd Davies

Bydd un o eisteddfotwyr mwyaf pybyr Cymru yn cael ei urddo'n gymrawd yr Eisteddfod Genedlaethol ar ddiwrnod cyntaf prifwyl Casnewydd eleni.

Nid yn unig gwnaeth Aled Lloyd Davies gyfraniad nodedig ym maes cerdd dant ond mae wedi dal swyddi blaenllaw ar bwyllgorau'r Eisteddfod Genedlaethol hefyd.

Bydd yn cael ei urddo'n Gymrawd - un o anrhydeddau uchaf y Brifwyl - ar y prif lwyfan gan Lywydd Llys yr Eisteddfod brynhawn Sadwrn, Gorffennaf 31, am ddeg munud wedi tri.

Un o Sir Feirionnydd ydi Aled Lloyd Davies ac am flynyddoedd bu'n arweinydd un o bartion cerdd dant enwocaf Cymru, Meibion Menlli a sefydlwyd pan oedd Aled yn athro yn Nyffryn Clwyd.Dros ddeng mlynedd ar hugain cynhaliodd Meibion Menlli dros 500 o gyngherddau ac ennill pum gwobr gyntaf yn y Genedlaethol a'r un nifer o wobrau yn yr Wyl Gerdd Dant.

Yn 1965 symudodd i ddysgu yn ysgol uwchradd ddwyieithog Maes Garmor yn yr Wyddgrug gan ymddeol ugain mlynedd yn ddiweddarach yn brifathro.

Enillodd raddau MA a PhD am ei ymchwil i hanes cerdd dant.

Pan ymwelodd yr Eisteddfod Genedlaethol a'r Wyddgrug yn 1991 ef oedd cadeirydd y pwyllgor gwaith.

Bu hefyd yn gadeirydd Cyngor yr Eisteddfod ac yn llywydd y Llys.

Bu'n feirniad sawl gwaith a lluniodd sgriptiau ar gyfer chwe sioe gerdd.

Er ei ddiddordeb cerddorol mawr, mewn daearyddiaeth y graddiodd ym Mhrifysgol Aberystwyth ac wedi hynny treuliodd ddwy flynedd yn adran addysg y fyddin cyn mynd yn athro wedyn i Benbedw lle cyfarfu ferch o Sir Y Fflint a ddaeth yn wraig iddo.