Dyddiadur: bore Mawrth
Dyddiadur dyddiol Lowri Johnston o Faes B a gigs y Steddfod.
Dwi wedi bod yn edrych ymlaen at yr Eisteddfod yma ers blwyddyn gyfan - ers y munud i mi adael Eisteddfod Meifod y llynedd a dweud y gwir. A dyma'r amser wedi dod am wythnos o fwynhau ar y maes ieuenctid unwaith eto! Yn anffodus i mi, mae'n ymddangos fod Cymru gyfan wedi penderfynu mynychu'r Eisteddfod fore Llun, ac felly fe gymrodd tua awr i ni wneud taith deng munud i ddod mewn i Gasnewydd. Dechrau da?!
Erbyn i ni gyrraedd, roedd y chwys yn diferu a'r amynedd yn brin - diolch byth am y Gorlan ar y maes ieuenctid! Felly ar 么l cwpanaid o de yno i ymlacio ychydig, mae'n amser gosod y babell. A'r cam cyntaf hollbwysig - dewis safle.
Mae'r maes ieuenctid ar safle hyfryd - gyda'r coed yn ychwanegu ychydig o gysgod yn yr haul tanbaid (a drodd yn law yn ddigon cyflym ar 么l i ni gyrraedd.) Felly, gosod y babell (heb ormod o drafferth) ac yna draw i'r maes. Yn y prynhawn, dwi'n dosbarthu cop茂au o'r Byd, ac ar 么l tair awr o gerdded o gwmpas y maes carafannau a'r maes ieuenctid, dwi'n syrthio yn syth i gysgu yn 么l yn y babell!
Ond ddim am sbel, achos mae'n amser mynd i'r gig. Gyda dewis eang o gigs bob nos, mae'n rhaid pwyso a mesur yn ofalus iawn pwy i'w gweld - ond does dim rhaid i mi feddwl yn galed nos Lun - a gig Drumbago, Heather Jones a Bechdan Jam sy'n mynd 芒 hi. Felly dal y bws draw, a mwynhau am y noson, cyn mynd n么l i'r maes ieuenctid i gymdeithasu o gwmpas y goelcerth.
Rhaid dweud, doeddwn i ddim yn si诺r iawn beth i'w ddisgwyl yn Eisteddfod Casnewydd. Mae'r maes ieuenctid yn wahanol flwyddyn yma, heb bresenoldeb Maes B, ond dwi ddim yn meddwl bod hyn yn gwneud gormod o wahaniaeth i'r naws. Yr argraff dwi wedi cael hyd yn hyn yw bod pobl ddim yn ffwdanu mynd draw i'r gigs, oni bai eu bod wir eisiau gweld rhyw fand arbennig.
Y gigs agosaf i'r maes ieuenctid yw gigs Cymdeithas yr Iaith (ac mae'r cwrw llawer yn rhatach yno mae'n debyg!) - mae'n bosib cerdded yno ond mae bws yn mynd yno yn ddigon aml. Y gwahaniaeth mwyaf i mi flwyddyn yma yw pellter popeth o'i gilydd - rhaid dal bws o'r maes ieuenctid i fynd i faes yr Eisteddfod, ac un arall i'r maes carafannau. Dwi'n teimlo mod i wedi treulio rhan fwyaf o'n amser hyd yn hyn yn aros am y bws yma a dweud y gwir!
Canlyniad y noson gyntaf felly?
Wel, noson dda iawn a dwi methu aros am weddill yr wythnos - aw锚 ynte!
