Unnos: mae pawb yn wahanol...
Difyr gweld sut ma pob band yn recordio yn wahanol.
I ddechrau - Pen-ta-gram. Mi oedde nhw'n dod o hyd i samples o gerddoriaeth, yna creu cerddoriaeth fyw (bass a dryms) o gwmpas y samples, ac yn olaf mi oedd Ed Holden a Hoax yn rapio dros y cyfan.
Mi oedd Geraint Lovgreen yn recordio yn wahanol; recordio dryms, bass, gitar a piano, yna'r llais ar hael arall, ac yna'r cyrn ar haen wahanol eto, cyn symyd ymlaen i gân arall a gwneud yr un adeiladu eto.
Ma Mr Huw am wneud petha ychydig yn wahanol - mae o isho recordio dryms, gitar, bass ac addweddellau POB cân yn gyntaf - a hynny gan na fydd Huw yn sgwennu y geiriau tan AR OL i'r gerddoriaeth gael ei recordio. Felly mi fydd gandom ni gerddoriaeth pedair can cyn y clywn ni air yn cael ei ganu gan Huw. Difyr... (gobeithio)
Gar
Y newyddion diweddaraf am gerddoriaeth, gigs, artistiaid a mwy gan griw C2.
