Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Aled Hughes - Llywelyn Williams
cystadlu - to compete
cadarnhad - confirmation
llydan - wide
cyffredin - normal
damwain - accident
ces i nharo - I was hit
am eiliad - for a second
rhywsut - somehow
penderfynol - determined
dy yrru di - drive you
…hanes Llywelyn Williams gollodd ei goes mewn damwain bum mlynedd yn ôl. Mae Llywelyn, sy'n dod o Abersoch ym Mhen LlÅ·n, yn hoff iawn o syrffio. Ond dydy'r ddamwain gaeth o ddim wedi ei stopio rhag cario 'mlaen efo'i ddiddordeb mewn syrffio. Er mai dim ond un goes sy ganddo rwan mae o'n gobeithio cystadlu yng Ngemau Paraolympaidd 2020. Aled Hughes gafodd air efo fo am y syrffio, ac am sut a pham wnaeth o benderfynnu dal ati...
Bore Cothi - Bethan Wyn Jones
planhigyn - a plant
enw gwyddonol - scientific name
cred - belief
chwysu - to sweat
saim gwydd - goose fat
hoglau - smell
hardda - prettiest
adnabyddus - recognisable
amrwd - raw
diogelu rhag heintiau - protect from diseases
Gobeithio byddwn ni'n gweld Llywelyn yn y gemau Parapolympaidd ynde? Mae na eira ar y mynyddoedd, mae'r gaeaf ar y ffordd os nad ydy o wedi cyrraedd yn barod. Dyma pryd mae llawer o bobl yn dal annwyd ynde? Be dach chi'n ei wneud i gadw'r annwyd draw? Bore Llun, Bethan Wyn Jones oedd yn dweud wrth Shan Cothi be ydy'r ffordd ora o gadw'n glir o’r annwyd drwy ddefnyddio pethau naturiol.
Aled Hughes - Morfudd Clark
o dy amgylch di - concerning you
anhygoel - incredible
arwain - leading
tu fas - outside
profiad cychwynnol - initial experience
dau fywyd gwahanol - two different lives
Bethan Wyn Jones yn fan'na yn rhoi gwybod i ni sut medrwn ni gadw'n glir o annwyd. Mae'r actores Morfydd Clark yn chwarae rhan Cordelia yn y ddrama King Lear sydd yn yr Old Vic yn Llundain ar hyn o bryd. Mae hi'n actio gydag enwau mawr fel Glenda Jackson a Rhys Ifans yn y ddrama. Sut brofiad ydy hynny tybed? Aled Hughes oedd yn holi.
Post Cyntaf - Donald Trump
synnu - surprised
o'n i wedi amau - I had suspected
y dalaith bwysica - the most important state
ei chipio hi - captured it
diffyg hyder - lack of confidence
sylfaenol - basic
bywoliaeth - livelyhood
lleiafrifol - minority
corddi (idiom) - irritated
cyfaddef - admit
Morfydd Clark yn gwneud ei marc yn yr Old Vic - cofiwch mai yma wnaethoch chi glywed amdani gynta! Roedd yna dipyn o sioc i bawb fore Mercher wrth glywed bod Donald Trump wedi ennill yr etholiad yn America, a fo rwan ydy un o'r bobl mwy pwerus yn y byd! Mae Ithel Jones yn byw yn Nhallahassee ac mi roedd o’n cefnogi Hilary Clinton. Dylan Jones oedd yn ei holi ar ôl i Donald Trump ennill yn Fflorida efo 49.1%. Oedd Ithel yn synnu bod Trump wedi ennill?