|  |
Gwobr Daniel Owen i brif lenor
 Nofel gan awdur dros ei ddeg a thrigain oed am gymeriad yn ei hanner cant sy'n twyllo ei wraig a fu'n fuddugol yng nghystadleuaeth Gwobr Goffa Daniel Owen eleni.
Disgrifiwyd Pan Ddaw'r Dydd gan Elfyn Pritchard - a fu'n fuddugol yng nghystadleuaeth y Fedal Ryddiaith ddwy flynedd yn 么l - fel gwaith sy'n dangos "aeddfedrwydd a disgyblaeth arbennig."
Ychwanegwyd: "Rhinwedd arbennig yw'r elfen o goegni a hiwmor iach sydd yn rhedeg trwy'r cyfan er bod yma drafod them芒u dwys mae'r awdur yn gwneud hynny'n gyson 芒'i dafod yn ei foch."
Cyfeirwyd hefyd at broffesiynoldeb Elfyn Pritchard fel awdur.
Dywedodd yr awdur ei hun ei fod ef yn gobeithio fod elfen erotig ac awgrymog yn y nofel ond fod unrhyw gyfeiriadau rhywiol yn chwaethus hefyd.
Er yn enillydd y Fedal Ryddiaith mae y cyn athro o'r Sarnau yn fwy adnabyddus fel awdur nifer o nofelau a straeon ar gyfer plant.
Ond yn dilyn ei wobrwyo ddydd Mawrth dywedodd ei fod bellach yn ei chael yn haws sgrifennu ar gyfer oedolion.
Megis rhyw ail gynnig oedd yr ymdrech a enillodd iddo un o brif wobrau llenyddol yr Eisteddfod Genedlaethol.
Dywedodd mai ei fwriad gwreiddiol oedd sgrifennu am ŵr a gwraig o fewn priodas a oedd yn chwalu yn gorfod dygymod a salwch mawr.
"Ond ar 么l dechrau sgrifennu sylweddolais nad oedd gen i ddigon i sgwennu am rywun yn dygymod a gwaeledd mawr," meddai gan ychwanegu iddo newid y stori yn y nofel i'r un a fu mor llwyddiannus iddo.
Athro Saesneg sy'n twyllo ei wraig yw'r prif gymeriad yn y nofel a'r ymwneud rhyngddo ef, ei wraig a'i gariad yw testun y nofel.
Amddiffynnodd Elfyn Pritchard ei ddefnydd o ddyfyniadau o lenyddiaeth Saesneg yn ei nofel trwy ddweud mai athro Saesneg yw'r prif gymeriad ac y byddai trosi'r dyfyniadau hynny i'r Gymraeg yn gwanhau eu heffaith.
"Mewn cystadleuaeth fel hon rwy'n credu fod gen i'r hawl i wneud hyn," meddai gan ychwanegu y credai ef y dylai'r Cymry ddefnyddio y ddwy lenyddiaeth.
Dywedodd nad oedd ganddo deimladau cryfion ynglŷn 芒 gwneud seremoni Gwobr Goffa Daniel Owen yn un o seremoniau'r Orsedd gan ddweud ei fod ef yn yn poeni mwy am y ffordd y beirniedir y gystadleuaeth gyda'r feirniadaeth a gyhoeddir yn y cyfansoddiadau yn llawer iawn llai cynhwysfawr na beirniadaeth y Goron a'r Gadair a hynny er y credai ef y byddai mwy o ddarllen ar nofel nag ar y cyfansoddiadau barddonol hynny.
|
|
|
|
