Gwilym Owen: Gwener gweinio'r cledd
Gwilym yn gweinio'r cledd
Cyfraniad olaf Gwilym Owen o Faes yr Eisteddfod ym Meifod. Bu'n cyfrannu'n ddyddiol i 主播大秀 Cymru'r Byd ers dydd Llun
Henffych o Faes Meifod ar fore Gwener.Ac mae hi'n ddiwrnod digon hanesyddol. Y pnawn ma bydd y ddau fudiad iaith, Cymuned a Chymdeithas yr Iaith Gymraeg, yn dod at ei gilydd i gynnal rali. Digwyddiad i'w groesawu.
Ond pam? Dyna'r cwestiwn. Ai arwydd ydy o gryfder ynteu wendid ar ran y naill neu'r llall?
Dim ond gofyn.Ymadawiad lliwgar?
A'r bore ma fe gynhelir Cyfarfod Blynyddol Gorsedd y Beirdd tybed fydd yr Athro Hywel Teifi Edwards yn esbonio pam ei fod wedi penderfynu deud Ta Ta a gadael Bwrdd yr Orsedd.Oedd a wnelo ei benderfyniad, tybed, 芒'r ffaith iddo fethu a chael ei faen i'r wal ar fater lliwiau gwisgoedd rhai a anrhydeddir?
Dim ond gofyn eto.
Seremoni glec
Diolch byth, mae hon wedi bod yn Steddfod sych iawn, iawn - ond wrth gwrs fe gafwyd y gawod fach arferol o ddagrau crocodeil ar lwyfan y Pafiliwn mawr bnawn ddoe pan oedd y Cymry ar ddisberod yn mynd drwy eu pethau yn canu "Unwaith eto yng Nghymru annwyl".
Mewn cyfnod o newid dyma yn sicr un seremoni a ddylai gael clec!
Rheoli o bell
Yn nesaf, llongyfarchiadau gwresog i Gadeirydd Pwyllgor Gwaith yr wyl ym Maldwyn. Mae'r Parchedig Gwynn ap Gwilym wedi profi ei bod hi'n bosib llywio gwyl lwyddiannus dros ben ac yntau yn byw degau o filltiroedd i ffwrdd ym Morgannwg.
Marciau llawn iddo fo felly in absentia fel petai!
Mater o ddewis
Ond peltan fach rŵan i un o aelodau Comisiwn Richard - y giang ryfedd yna oedd ar faes y Steddfod ddoe i roi dyfodol cyfansoddiadol Cymru yn y glorian.
Datgan ei syndod oedd o am faint yr ymarferiad blynyddol. Roedd yr holl beth yn sioc iddo fo. Sy'n peri i rywun ofyn pa hawl sy' gan y creadur bach i eistedd ar Gomisiwn mor bwerus. Sut a pham cafodd o ei ddewis tybed?
S卯n Seisnig
Rhestr o enwau i chi rŵan.
Pa gysylltiad sy' rhwng y rhain 芒'n Prifwyl Genedlaethol? Dynamic, Vanta, Acoustique, Kentucky AFC, Paccino, Pheena, Johnny Panic, Zabrinski, Skep, Texas Radio Band, a Jakokayak.
A'r ateb, rhestr ydy hi o fandiau a grwpiau a fu ar lwyfan Pafiliwn yr Ieuenctid yn ystod yr wythnos.
Ond och a gwae. Siawns na ellir cael enwau mwy Cymreig ar artistiaid ein S卯n Roc. Maen nhw wedi mynd dipyn dros ben llestri efo'r enwau cwbl estron.
Archdderyn disgwyledig
Ac mae'n amlwg fod y Sanhendrin yn teimlo fod yr Archdderwydd Robin Llyn wedi mynd dros ben llestri hefyd bnawn Mercher.
Fe roddodd golbiad geiriol i'r rheiny oedd yn gyfrifol fod seremoni'r fedal ryddiaith yn hwyr yn cychwyn a bod hen gojars yr Orsedd wedi bod yn rhostio yn eu gwisgoedd yn rhy hir.
Fe ymddengys fod yr Archdderyn wedi cael pryd o dafod gan y penbandits gweinyddol a gair o gyngor i ffrwyno ei sylwadau yn y dyfodol.
Ai dyma ddiwedd y stori? Cawn weld y pnawn ma yn Seremoni'r Cadeirio, dan nawdd Duw a'i dangnef!
A dyna'r lle gorau falle i derfynu'r cerdyn post ola' o faes Prifwyl Meifod.
Felly gweinier y cledd!
