Ateb y cwestiwn, "'Beth sydd mor arbennig am Abertawe?" wnaeth cynrychiolwyr o Eisteddfod Genedlaethol yr Urdd y flwyddyn nesaf ar lwyfan Llanerchaeron brynhawn Gwener.
Bydd yr eisteddfod honno yn cael ei chynn al yn y Felindre ar yr union safle a fu'n gartref i'r Eisteddfod Genedlaethol rai blynyddoedd yn 么l.
"Efallai bod y tirwedd yn edrych braidd yn llwydaidd," meddai cadeirydd y pwyllgor gwaith, DyfrigEllis, "ond fe fydd yn Steddfod liwgar iawn."
Disgyblion Ysgol Bryn Tawe, Ysgol Gyfun Gwyr ac Ysgol Ystalyfera fu'n 'gwerthu'r eisteddfod honno, gyda disgyblion o ysgolion cynradd y fro, i gynulleidfa Llanerchaeron bnawn Gwener.
Cynhelir yr Eisteddfod rhwng Mai 30 a 4 Mehefin 4 2011.
Dyfrig Ellis, sy'n bennaeth Ysgol Lon Las, a Neil Rosser gyfansoddodd ganeuon i'r cyflwyniad gyda chyfraniadau gan Berian Lewis a Huw Dylan Owen.
Treuliodd y criw oriau dan gyfarwyddyd Laurel Davies a Helen Wyn, yn paratoi.
''Rwyf wedi mwynhau gweithio gyda'r criw talentog yma'n fawr iawn a hoffwn ddiolch i bob un ohonynt am eu hymroddiad a'u gwaith caled dros y misoedd diwethaf.
"Mae gwirfoddolwyr eisoes wrthi'n codi arian ac ymwybyddiaeth yn lleol ac mae trigolion Abertawe yn edrych ymlaen yn fawr at groesawu'r Eisteddfod i'r ardal flwyddyn nesaf, '' Meddai Dyfrig Ellis.
Rhoddodd cwmni lleol Gravells, yr asiantaeth Renault hynaf ym Mhrydain, gar yn wobr raffl ac mae tocynnau ar werth yn barod ar gyfer Kia Picanto pum drws
Eisteddfod dau gar felly!
Straeon heddiw
Cysylltiadau
Dysgu
Syrcas Gerdd
Dewch draw i'r Syrcas Gerdd i fwynhau gweithgareddau cerddorol rhyfeddol ar gyfer plant 7-11 oed.
