Arolygon Barn
Ar ôl trafod y polau diweddara ar "Post Cyntaf" a "Good Morning Wales" doeddwn i ddim yn bwriadu blogio yn eu cylch ond gan fod sawl un wedi gofyn fy marn dyma ychydig o sylwadau.
Yr hyn sy'n drawiadol yw pa mor debyg yw'r canlyniadau. Dwi wedi lleisio fy amheuon o'r blaen ynglÅ·n â'r ffordd y mae polau NOP/ITV yn cael eu dadansoddi. Dwi'n edmygydd mawr o waith Beaufort, y cwmni oedd yn arfer cynnal arolygon Ö÷²¥´óÐã Cymru cyn i'r rheiny gael eu gwahardd gan y gorfforaeth.
Mae'r ffaith bod y ddau gwmni, gan ddefnyddio dwy fethodoleg wahanol wedi cyrraedd casgliadau digon tebyg yn arwyddocaol. Maen nhw hefyd yn adlewyrchu canlyniadau arolygon eraill dwi wedi eu gweld (ond yn methu eu rhannu) a drefnwyd gan Golegau ac Ysgolion fel rhan o waith cwrs eu myfyrwyr.
Serch hynny mae'n rhaid cofio nad proffwydoliaeth yw pôl. Cyn etholiadau 2003, er enghraifft, roedd NOP/ITV yn darogan bod Plaid Cymru ymhell ar y blaen i'r Ceidwadwyr ond cael a chael oedd hi rhwng y ddwy blaid ar y noson.
Dwi hefyd yn meddwl (ac mae eraill yn cytuno) y bydd y bleidlais ranbarthol i bleidiau llai llawer yn uwch na mae'r arolygon yn tybio. Roedd hin 12% yn 2003 a byswn yn disgwyl pleidlais debyg neu fwy y tro yma.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Ma William Hill yn cynnig ods sy'n dangos lot llai o wahaniaeth rhwng Plaid Cymru a'r Ceidwadwyr nag yw'r poliau ma'n dangos. A fydd Karl y bwci yn cynnig ods wythnos nesa ar faint o seddi bydd pob plaid yn ennill?
Ond mai tri peth pwysig nad wyt wedi ystyried..
'Turnout Turnout Turnout' fel byddai Kirstie Allsop ddim yn dweud...
Wn i beth mae'r tywydd yn gwneud wythnos nesa - job i Derek Brockway efallai ?
Yn ystod yr wyhtnosau diwethaf dwi heb sylwi bod llawer o newid yng nghefnogaeth y pleidiau o 2003 yng Nghymoedd De Cymru, os unrhywbeth bod Plaid Cymru yn colli cefnogaeth. Dros y diwrnodau diwethaf dwi'n teimlo fod rhywbeth mawr yn digwydd yng Nghaerffili a bod momemntwm newydd gan ymgeisydd y Blaid Lyndsay Whittle o bod Ron Davies yn debygol o gael tua 2000 i 2,500 o bleidleisau ac hyn yn creu cnlyniad agos yn yr etholaeth.