Siop Rithwir Jack Brown Ynys Môn
Mae Karl Williams, cyn-osodwr prisiau cwmni Jack Brown yn llunio prisau betio etholaethol ar gyfer y blog. Mae croeso i chi fentro feifar rithwir.
Ynys Môn
Plaid Cymru 1-3
Ann. 5-1
Ceid. 5-1
Llafur 5-1
Sylw Karl; " Dwi'n synhwyro nad yw Ieuan yn arbennig o boblogaidd ar yr ynys ar hyn o bryd. Ar y llaw arall mae Peter wedi methu ei guro sawl gwaith o'r blaen a dwi'n tybio fod y bleidlais Geidwadol yn fwy cadarn nac y buodd hi. Dwi'n gosod llafur ar 5-1 oherwydd y sedd seneddol. Efallai y byddai 6-1 neu hyd yn oed 7-1 yn well."
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Dwi am roi pumpunt rithiol bach ar Ieuan Wyn Jones i ennill ta gan fod pobl Mon yn tueddu i ail-ethol aelodau etholedig, er nad oes ganddyn nhw fawr o deyrngarwch i unrhyw blaid. Ond wrth gwrs pe tasa Plaid Cymru yn colli, mi fyddai gan Mr Wigley lawer gwell siawns o gipio sedd ranbarthol...
Safle blog penigamp gyda llaw - mond newydd gal hyd iddo fo - wedi bod dramor ymhell o firi'r etholiad am wthnos
Dwi'n gyndyn iawn o roi unrhyw bres ar Ynys Môn. O roid o gwbwl, byddwn yn gwario ychydig iawn ar Ieuan Wyn. Rhith-buntan ar y mwya'! Dwi'n edrych ymlaen yn fawr i weld y canlyniadau yma!!
Newydd ddod o hyd i'ch blog, ac yn ei lecio'n arw.
Wedi siarad hefo hwn a'r llall ar draws y sir, bodlon rhoi £10 rithiol ar i Ieuan Wyn Jones gadw ei sedd. Mae rhywbeth yn reit hirben ym mhobl Mon, a mae nhw yn adnabod dyn da.