Y cytundeb coch-gwyrdd
Mae'r grŵp llafur wedi cymeradwyo cytundeb coch/gwyrdd o fwyafrif sylweddol. Mae'r Ö÷²¥´óÐã wedi gweld copi o gytundeb drafft rhwng y ddwy blaid (nid y cytundeb terfynol).
Dyma rai o'r uchafbwyntiau;
Llafur a Phlaid Cymru ar bob lefel i gydweithio i sicrhâi senedd ddeddfwriaethol o fewn pedair blynedd.
Dim rhagor o gynlluniau PFI yn y gwasanaeth iechyd ac atal y cynllun ad-drefnu ysbytai.
Rhoi'r gorau i'r defnydd o gyfleusterau preifat gan y gwasanaeth iechyd.
Atal yr "hawl i brynu" mewn ardaloedd lle mae 'na brinder o dai fforddiadwy.
Codi 6,500 o dai fforddiadwy.
Grantiau i bobol sy'n prynu tÅ· am y tro cyntaf.
Gwell gwasanaeth rheilffordd rhwng y De a'r Gogledd.
Gwella darpariaeth addysg trwy gyfrwng y Gymraeg gan gynnwys sefydlu Coleg Ffederal Cymraeg.
Cluniaduron i blant ysgol (cynllun peilot)
Deddfwriaeth i roi statws swyddogol i'r Gymraeg a hawliau i ddefnyddio'r Gymraeg wrth ddefnyddio gwasanaethau.
DIWEDDARIAD PWYSIG; Mae'r cymal cyntaf wedi ei newid yn y cytundeb terfynnol. Gallai hynny fod yn bwysig!
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Helo Vaughan,
Oes unrhyw mwy o fanylion am y math o hawliau mewn deddfwriaeth i gael gwasanaethau trwy gyfrwng y Gymraeg? A fydd yn cynnwys y sector breifat?
Hefyd, a oes son am Gomisiynydd i'r iaith?
Gwyyyyyyyych!!!!!! Mae hyn yn ategu'r pwynt a wnaeth Ieuan nos Wener, sef y 'shifft' sydd wedi digwydd o fewn y pleidiau Prydeinig yng Nghymru ers ychydig iawn o amser, mewn gwirionedd! Cyn datganoli, fyddai'r Blaid Lafur Brydeinig fyth wedi canmol dim byd mor flaengar. Da gweld y cynigion ar dai, addysg ac iechyd, yn ogystal â Senedd ddeddfwriaethol a'r iaith. Os bydd y mwyafrif o aelodau'r Blaid yn cytuno (a wela' i ddim pam na ddylen nhw), yna bydd hi'n hwrê fawr.
Wedyn, ar ôl mis mêl bach, bydd y rhaglen flaengar yn cychwyn o ddifrif, gan wneud gwahaniaeth (yn ôl slogan y Blaid cyn yr etholiadau) i bobl Cymru.
Wedi ei newid sut?
Dwi ddim yn gwybod pwy sy'n cael eu holi mewn polau piniwn, ond neb dwi'n ei nabod beth bynnag.
Cyfuniad o bolisïau coch a gwyrdd yw'r unig un sy'n wirioneddol boblogaidd hyd y gwela i, felly pob lwc i Rhodri a Ieuan.
Pwy ddwedodd "Cymru rydd, Cymru Gymraeg, Cymru sosialaidd" gwedwch?
I ateb David, Gareth Miles bia'r llyfr hwnnw, ac fe'i hysgrifennodd yn y 70au - dogfen wirioneddol arloesol ar y pryd, sy'n eistedd ar yr un silff yn fy nhy â 'Tynged yr Iaith' gan SL.
Vaughan, beth ddigwyddodd i dy 'health warning' o ran bwriad y Blaid Lafur i weithio ar bob lefel o blaid pleidlais 'ie' mewn unrhyw refferendwm?