Cwis
Maen nhw nawr yn dweud bod cyhoeddi'r cabinet yn annhebyg heddiw. Fedrai ddim dweud wrthoch chi pa mor rhwystredig ydyn ni yma yn y Bae gan fod ein gwyliau yn cychwyn unwaith y ceir cyhoeddiad.
Mae 'na ambell i aelod cynulliad o gwmpas heddiw, rhai yn disgwyl am alwad ffôn gan Rhodri neu Ieuan, eraill yn gobeithio gweld Kylie sy'n ffilmio Doctor Who tafliad carreg o'r senedd, eraill eto yma i ymgymryd â'r gwaith o symud eu swyddfeydd o fewn Tŷ Crughywel.
Ceisio sicrhâi bod aelodau'r gwahanol bleidiau ar yr un coridorau a'i gilydd yw nod y symud, ond mae ambell i un wedi bod yn cwyno am eu swyddfeydd newydd gyda hwylustod wrth gyrraedd y pontydd sy'n arwain i'r senedd yn ffactor allweddol.
Unwaith yn rhagor y Democratiaid Rhyddfrydol sydd wedi colli mas. Awgrymodd un Tori creulon wrthyf y dylid gosod swyddfeydd y Democratiaid Rhyddfrydol ar Ynys Echni, o ystyried maint eu dylanwad yn y trydydd cynulliad. Doniol, ond annheg.
Ta beth, mae'n bryd cael cwis gyda'r atebion i gyd yn ymwneud a'r Democratiaid Rhyddfrydol neu eu rhagflaenwyr.
1. Beth sy'n cysylltu Dad's Army a Rinka?
2. Pam a phryd y cafodd Caerdydd y llysenw "The city of dreadful knights" ?
3. Yn 1950 enillodd y Rhyddfrydwyr naw sedd. Sawl un ohonyn nhw oedd yng Nghymru?
4. Cyn ennill Ceredigion, ym mha etholaeth safodd Geraint Howells fel ymgeisydd Rhyddfrydol?
5. Fe gefnodd tri aelod seneddol o Gymru ar Lafur i ymuno a'r SDP. Enwch nhw.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Gan fy mod yn osgoi gwaith ar hyn o bryd, dyma fy ymgais ar yr atebion…
Mwynha dy wyliau (pan ddaw)
1. Beth sy'n cysylltu Dad's Army a Rinka?
John Le Mesurier yr actor; a John Le Mesurier, gwerthwr carpedi a chyhuddwyd o geisio ladd Norman Scott, y model adnabyddus a gollodd ei gi Rinka yn ystod helynt Jeremy Thorpe yn y 1970au
2. Pam a phryd y cafodd Caerdydd y llysenw "The city of dreadful knights" ?
Yn ystod sgandal gwerthu seddi yn Nhy’r Arglwyddi (yr un cyn hwn!) yn y 1920au
3. Yn 1950 enillodd y Rhyddfrydwyr naw sedd. Sawl un ohonyn nhw oedd yng Nghymru?
Roedd 5 mas o’r naw yng Nghymru – anhygoel!
R Hopkin Morris – Caerfyrddin; ER Bowen – Sir Ceredigion; M Lloyd-George – Ynys Mon; E Clement Davies – Trefaldwyn; EO Roberts - Meirionnydd
4. Cyn ennill Ceredigion, ym mha etholaeth safodd Geraint Howells fel ymgeisydd Rhyddfrydol?
Brycheiniog a Maesyfed, 1970
5. Fe gefnodd tri aelod seneddol o Gymru ar Lafur i ymuno a'r SDP. Enwch nhw.
Ednyfed Hudson-Davies, Caerffili; Tom Ellis, Wrecsam; Jeffrey Thomas, Abertileri
O'r gwaelod a heb "Google"
5) Jeffrey Thoms
Tom Elis
Rhywun Hudson Davies
4) Brycheiniog a Maesyfed
3) 5
2) Lloyd George yn gwerthu stwff ?
1) Rinka oed y ci un achos Jeremy Thorpe (Dim yn cofio'r union gysylltiad) Roedd John Le Mesurier yn un o'r difynyddion - (Dim yr un dyn ond yn rhannu enw gyda actor Dad's army.
1. Mi gafodd John le Mesurier - ond dim yr actor o Dad's army - ei gyhuddo gyda Jeremy Thorpe o geisio lladd Norman Scott. Rinka oedd enw ci Norman Scott, a saethwyd gan Andrew Newton ym mis Hydref 1975 ar Exmoor.
2. Adeg Lloyd George oherwydd y farchnad mewn anrhydeddau.
3. Pump.
4. Aberhonddu a Maeyfed.
5. Jeffrey Thomas, Ednyfed Hudson Davies, Tom Ellis.
Cwestiwn 5 - roedd Gwynoro Jones hefyd yn un o'r rhai a gefnodd ar y Blaid Lafur.
Dim yn aelod seneddol ar y pryd Helen ?
Eitha reit, Dewi - rwy newyd wirio hanes Gwynoro ac, yn wir, doedd e ddim yn AS yn unlle erbyn 1981!