Cyfri Ceiniogau
Dyn diwyd yw Mark Hoban, Aelod Seneddol Fareham. Yn ddiweddar gofynnodd tri ar ddeg o gwestiynau ysgrifenedig ynglŷn â gwariant Swyddfa Cymru. O ganlyniad rydym yn gwybod, er enghraifft, bod yr adran wedi gwario deugain punt ar flodau a dwy fil a hanner o bunnau ar dacsis yn ystod y deuddeg mis diwethaf. Gwariwyd yr un geiniog ar daliadau diswyddo na thribiwnlysoedd diwydiannol.
Ar gyfartaledd mae ateb cwestiwn ysgrifenedig yn costio cant a deugain o bunnau. Mae rhiw bymtheg can punt o arian cyhoeddus wedi ei wario ar ateb cwestiynau Mr Hoban felly.
Cewch chi farnu p’un ai Swyddfa Cymru ai Mr Hoban sy'n wastraffus.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Cefnogi Mr Hoban yn llwyr mae o'n cario allan ei ddyletswydd fel AS i wneud y llywodraeth yn agored a chyfrifol. Mae yna ffordd hawdd i stopio unrhyw wastraff yn y Swyddfa Gymreig a hyny yw ei dileu hi'n gyfan gwbwl a rhoi hawliau deddfwriaethol llawn i Senedd Cymru.
Mae yna beryg mawr mewn beirniadu Mr Hoban, sef y gall hyny gael ei weld fel beirniadaeth o'n hawliau ni i gyd i gael gwybodaeth o dan Deddf Rhyddid Gwybodaeth...dydy'r llywodraeth ddim isio ryw lawer o esgus i wanhau y ddeddfwriaeth yma.