Uchel eu cloch
Pam ar y ddaear y mae pobol yn tanseilio eu dadleuon eu hun trwy ddweud pethau hurt?
Mae 'na ffrae leol ym Miwmares heddiw ar ôl i swyddogion iechyd amgylcheddol y cyngior rybuddio'r Eglwys i beidio chwarae'r clychau'n ormodol ar ôl i drigolion gwyno am y sŵn.
Nawr, fe fyddai'r rhan fwyaf ohonom, dw i'n amau, yn tueddu ochri a'r Eglwys. Mae clychau'r Llan wedi bod yn rhan o'n bywydau ers canrifoedd ac, o gymryd nad yw clychau Biwmares yn cael eu chware bob awr o'r dydd a'r nos, fe ddylid parhau a'r traddodiad.
Ond oedd angen i un o swyddogion yr Eglwys wneud y sylw yma- "if this lovely building served Mohammed, would the bureaucrats dare to seek to muzzle the Muezzin at the Mosque!"
Yr ateb syml i'r cwestiwn wrth gwrs yw y byddai'r swyddogion yn gweithredu yn yr amgylchiadau hynny. Mae'n ddyletswydd statudol arnyn nhw i wneud.
Nonsens pur yw awgrymu bod Mwslemiaid yn derbyn triniaeth fwy ffafriol na Christnogion yn y Deyrnas Unedig. Wedi'r cyfan, nid cynrychiolwyr y ffydd Fwslimaidd sydd â hawl awtomatig i seddi yn Nhŷ'r Arglwyddi!
A hithau'n wythnos gyntaf Ramadan nid clychau Biwmares sydd angen eu tawelu!
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
