Tacluso
Dwi'n cyfuno ambell i bost a sylwad yn fan hyn cyn i bethau fynd yn rhemp! Mae Dylan Jones Evans wedi tynnu fy sylw at y ffaith nad yw blog "Welsh Ramblings" ar gael ar hyn o bryd. Fe ddiflannodd yn sgil cyhuddiadau ar ddyddiadur Iain Dale mai rhai o staff Plaid Cymru oedd yn gyfrifol am y safle. Dydw i ddim yn gwybod pu'n ai ydy hynny'n wir ai peidio ond dyna yw'r gred gyffredinol yn y Bae. Hyd y gwelai i, doedd y safle ddim wedi croesi llinell ond mae pawb yn sensitif am y pethau 'ma'r dyddiau hyn! Gwaith cynnal a chadw neu "ordyrs" oddi uchod? Pwy a ŵyr?
Yn y cyfamser mae David Taylor mewn eto- y tro hwn am sylwadau ar Twitter. Ac eithrio fideo Delilah (efallai) dyw cynnwys "" ddim yn llai derbyniol na chynwys "Welsh Ramblings" yn fy marn i ond yn yr hinsawdd bresennol mae 'na beryg bod y safleoedd ymosod yma yn fwy o drafferth nac o werth i'r pleidiau. A fydd David yn derbyn "ordyrs"?. Fe gawn weld.
.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
"Fe ddiflannodd yn sgil cyhuddiadau ar ddyddiadur Iain Dale mai rhai o staff Plaid Cymru oedd yn gyfrifol am y safle . . . dyna yw'r gred gyffredinol yn y Bae."
O diar, Y GRED GYFFREDINOL YN Y BAE!!! A faint o bwys dylem roi i'r gred honno tybed? Fawr ddim mae'n ymddangos. Viva Ramblings!
Hwn sydd wedi diflannu?!?
Mae'n gweithio'n iawn yma!
Mae Welsh Ramblings yn ei ol...a diolch am hyny!!