主播大秀

Rhyfedd Iawn

Vaughan Roderick | 14:08, Dydd Mercher, 4 Tachwedd 2009

2093_13600_file_eng_Welsh-Assembly-Government-Logo_195_159.jpg Fe wnaeth Betsan a finnau dynnu sylw ddoe at sianel "" Llywodraeth y cynulliad gyda dewis eang o fideos proffesiynol iawn yr olwg er eu bod yn cynnwys ambell i wall yn enwedig yn Gymraeg.

Dyma esiampl o'r cynnwys;

Sylwch ar y geiriau ar y diwedd "brought to you by the Welsh Assembly Government" ynghyd a logo'r Llywodraeth.

Mae'r cynnwys i gyd yn ffafriol i'r llywodraeth neu o leiaf yn niwtral ac mae'n cynnwys deunydd fideo o mor bell yn 么l a 1997 ac mor ddiweddar 芒 ddoe.

Mae 'na broblem. Does neb yn y llywodraeth yn gwybod pwy sy'n gyfrifol! "Nid ni" medd swyddfa'r wasg. "Smo fi'n gwybod" medd... wel, medd un ddylai wybod!

Cwmni yn trial am gytundeb, efallai? Myfyrwyr? Y person mwyaf trist yn y byd? Dyn a 诺yr. Oes unrhyw un yn gallu helpu?

Yr awdur a'r darlledwr Hywel Williams, Yr Athro Howard Williams o Brifysgol Aberystwyth, a'r ymgynghorydd cysylltiadau cyhoeddus Elin Wyn a fu'n byw yng Ngwlad Pwyl a'r Undeb Sofietaidd yw'r gwesteion ar CF99 heno.

Fe fyddwn yn trafod yr effaith gafodd cwymp wal Berlin ar Ewrop a dyfodol y cyfandir yn sgil cadarnhau cytundeb Lisbon.

Llyfrnodi gyda
|
|
|
|
- Beth yw hwn?

SylwadauAnfon sylw

1. Am 14:49 ar 4 Tachwedd 2009, ysgrifennodd Gareth:

Roedd hi'n eitha amlwg nad safle swyddogol mohoni, o ystyried y nifer o wallau sillafu a gramadeg yno...

2. Am 15:51 ar 4 Tachwedd 2009, ysgrifennodd Dafydd Tomos:

Wnes i s么n am hyn . Dwi'n dyfalu mai un o'r 'ymchwilwyr' enwog yna yw e sy'n gweithio i un o'r aelodau Llafur.

3. Am 17:37 ar 4 Tachwedd 2009, ysgrifennodd Hen Ferchetan:

Mae'r fidios "Tales from the Chamber" yn ddiddorol i'w gwylio - ma nhw bron yn gwneud i ddigwyddiadau'r senedd edrych yn ddiddorol@

Onid ddylsa rhywun holi Andrew Davies? Mae'n rhaid fod o'n gwybod pwy oedd y tu ol i'r camera pan oddo'n gwneud ei ptc!

4. Am 20:18 ar 4 Tachwedd 2009, ysgrifennodd Dafydd Tomos:

Mae fideo Andrew Davies wedi ei gymeryd o - sianel 'swyddogol' (?) gyda un fideo unig - mae'r ansawdd llawer uwch fel y gwelwch chi, a dyma'r fideo gwreiddiol. Does dim ffilmio gwreiddiol yn unrhyw un o'r fideos ar sianel 'GovernmentofWales' - mae'r cyfan wedi ei ddwyn/fenthyg o ffynonnellau eraill - sy'n esbonio ansawdd ofnadwy y lluniau i'w gymharu a'r testun sydd wedi ei osod ar ei ben.

5. Am 11:50 ar 5 Tachwedd 2009, ysgrifennodd Catrin Davies:

Cwestiwn - am wefan "Democracy Live" .
Pan fydd un o'r aelodau yn siarad yn Gymraeg yn y Senedd - beth a fydd ar wefan y 主播大秀 - y siaradwr/aig neu troslais gyda chyfieithiad i'r Saesneg ?

6. Am 12:16 ar 5 Tachwedd 2009, ysgrifennodd FiDafydd:

A gafwyd ateb/esboniad eto?

(Dwi'n edrych ymlaen yn fawr at ddiflaniad y blwming llythrennau 'na!!!)

7. Am 13:29 ar 5 Tachwedd 2009, ysgrifennodd Vaughan Roderick :

Y Gymraeg sydd i'w chlywed o wylio ar "Democratiaeth Fyw/ Democracy Live/Cymru" Ceir y troslais Saesneg ar "Democracy Live/Wales" Mae'r un peth yn wir am iaith y capsiynnau

8. Am 13:31 ar 5 Tachwedd 2009, ysgrifennodd Vaughan Roderick :

Dim eto! Mae'r llywodraeth yn cynnal ymchwiliad!

9. Am 12:54 ar 6 Tachwedd 2009, ysgrifennodd Dafydd Tomos:

Yr un person sy'n gyfrifol am sianel YouTube sydd hefyd yn dwyn cynnyrch fideo rhywun arall a rhoi llwyth o destun ac effeithiau Apple iMovie arno. Trist yn wir..