Maen nhw'n paratoi am ryfel...
Fe wnes i son yn gynharach am ba mor isel eu hysbryd mae'r Democratiaid Rhyddfrydol yma yn y bae ond beth am y pleidiau eraill?
Ar hyn o bryd mae Llafur fwy neu lai cyfaddef bod y gêm yn San Steffan ar ben. Wrth i fagiau ymddangos y tu fas i ddrws cefn rhif deg fe fyddai rhyw un yn disgwyl i Lafur y Cynulliad fod yn ddigalon braidd.
Dim o gwbl. Anghofiwch yr holl siarad ynghylch cael "perthynas adeiladol" a phwy bynnag sy'n llywodraethu yn San Steffan. Mae pleidiau'r llywodraeth yn paratoi am ryfel os ydy David Cameron yn rhif deg.
O fewn dyddiau disgwylir i Lywodraeth Cymru herio Llywodraeth y Deyrnas Unedig trwy ail-gyflwyno'r LCO tai gan fynnu bod San Steffan yn derbyn y gorchymyn yn ei gyfanrwydd fel prawf o ewyllys da. Gallai hynny roi'r Democratiaid Rhyddfrydol mewn sefyllfa anodd a dweud yw lleiaf.
Rhagflas o'r hyn sydd i ddod rhwng nawr a'r refferendwm ar gynyddu pwerau'r cynulliad yw hynny ac mae Llafur a Phlaid Cymru eisoes yn ail-feddwl eu tactegau ynghylch y bleidlais honno.
Yn ogystal â'r "ymgyrch Ie" amlbleidiol swyddogol mae 'na son y gallai'r pleidiau ei hun ymgyrchu gan ddylunio'r bleidlais fel rhan o frwydr ehangach yn erbyn y Torïaid.
Ar y llaw arall mae'n gamgymeriad credu bod Llafur a Phlaid Cymru'n rhannu'r un caniedydd. Maen nhw'n cyfeirio ambell i glatsied at ei gilydd hefyd.
Cymerwch y sylw yma gan un o bobol Plaid Cymru "y tro nesaf mae Peter Hain yn addo gwneud popeth posib i rwystro'r Ceidwadwyr, gadewch i ni gofio mai Llafur wnaeth golapsio clymblaid y chwith nid y Democratiaid Rhyddfrydol".
Mae o leiaf un o hen bennau Llafur San Steffan yn deall y perygl. Fe ofynnodd y cwestiwn yma. "Os ydyn ni'n ymosod yn chwyrn ar Cameron flwyddyn nesaf sut mae ateb y cwestiwn pan na wnaethoch chi ei rwystro pan oedd gennych chi'r cyfle?"
O safbwynt y Ceidwadwyr fe fydd 'na ochneidiai o ryddhad os ydy David Cameron yn cyrraedd Downing Street o'r diwedd. Serch hynny maen nhw'n gwybod y gallai penderfyniadau yn San Steffan olygu bod etholiad 2011 yn dalcen caled iawn i'r blaid.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Da clywed bod yna 'baratoi at ryfel'.
Nawr bod dwy blaid y dde wedi uno yn San Steffan, fe fyddai'n wych o beth petai dwy blaid y chwith yng Nghymru yn gallu cydweithio'n agosach â'i gilydd.