Am wythnos!
Mae hon wedi bod yn wythnos hir. Os ydych eisiau gwybod sut rwy'n teimlo cymerwch gip ar flog .
Mae gen i ychydig o glecs ynghylch ymgeiswyr cynulliad i gyd o'r de-ddwyrain y tro hwn. Mae'n debyg bod Angela Jones Evans am herio David Melding am enwebiad Ceidwadol Bro Morgannwg. Efallai na fydd David yn cael pethau mor hawdd â'r disgwyl!
Mae Neil McEvoy o Blaid Cymru sy'n ddirprwy arweinydd Cyngor Caerdydd yn wynebu sefyllfa debyg yng Ngorllewin Caerdydd lle mae son bod Elin Tudur yn cynnig ei henw.
Draw yng Nghanol Caerdydd mae'r Democratiaid Rhyddfrydol wedi llunio rhestr fer o ymgesiwyr i olynnu Jenny Randerson. Mae'n cynnwys dau aelod arall o Gabinet Cyngor Caerdydd sef arweinydd y Cyngor Rodney Berman a Nigel Howells.
A son am Ganol Caerdydd mae Llafur yn hynod o obeithiol yn ei chylch o gofio bod y Democratiaid Rhyddfrydol wedi ennill dros hanner y pleidleisiau yn 2007 ac yn dal pob un sedd cyngor. Mae'n wir bod pleidlais y Democratiaid Rhyddfrydol wedi gostwng yn sylweddol yn yr etholaeth yn yr etholiad cyffredinol ond mae 'na glamp o fwyafrif i'w gwyrdroi. Oes arf dirgel gan Lafur, tybed?
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Wyt ti yn awgrymu bod Eluned Morgan yn barod i roi ei henw ymlaen ???
Angela Jones Evans hefyd yn rhoi mewn am Gorllewin Casnewydd.