Um-geiswyr (2)
Mae Plaid Cymru ar fin dewis ei hymgeisydd yng Nghaerffili ar gyfer 2011. Mae'n debyg mai un enw ac un enw yn unig sydd yn y ffram.
Enw Ron Davies yw hwnnw.
Deallaf fod Ron wedi gwneud tipyn o farc o flaen y panel cenedlaethol sy'n asesu ymgeiswyr posib. Roedd ei ateb i'r cwestiwn "pa bwerau sydd wedi eu datganoli i'r cynulliad?" yn fodel, mae'n debyg.
Fe fydd e'n brofiad rhyfedd i Ron sefyll yng Nghaerffili heb Lindsay Whittle fel gwrthwynebydd. Rwy'n meddwl mai dim ond unwaith o'r blaen mae hynny wedi digwydd a hynny yn etholiad cynulliad 1999.
Beth fydd tynged Lindsay tybed? A fydd arweinydd Cyngor Caerffili yn ymgeisio ar restr y de ddwyrain, tybed?
Os felly fe fydd e'n cystadlu yn erbyn William Graham, dyn sydd a'i fys ar bỳls etholwyr yr ardal. Dyma'r datganiad barn diweddaraf y mae William am osod gerbron y cynulliad.
Cynulliad Cenedlaethol Cymru yn talu teyrnged i fywyd a chyfraniad Charles Rolls
Ar 12fed Gorffennaf 2010, bydd can mlynedd wedi mynd heibio ers marwolaeth Charles Rolls o Langatwg, sir Fynwy. Ef oedd yr arloeswr cyntaf yng Nghymru ym maes moduro a hedfan. Ar y cyd â Frederick Henry Royce, gwnaethant sefydlu cwmni gweithgynhyrchu ceir Rolls-Royce, un o'r cwmnïau gweithgynhyrchu peiriannau- awyrennau mwyaf eiconig a llwyddiannus yn y byd.
Fe aiff hwnna lawr yn dda yn Nhredegar!
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Gwych yw clywed fod Ron Davies yn debygol iawn o sefyll yng Nghaerffili dros Blaid Cymru serch hynny pa mor anodd yw'r dasg o'i flaen? Iawn plaid yn reoli cyngor Caerffili ac ma pobl Caerffili i weld yn weddol hapus â'i cyngor ond ar lefel Cenedlaethol a chefnogaeth Lafur yng Nghymru yn codi? Wn i ddim.
Ydy Ron Davies yn aelod o'r Blaid?
mae'n rhaid ei fod e erbyn hyn!
Dafydd Trystan Davies yn sefyll ymgeisydd yn unig i Blaid Cymru yng Nghwm Cynon