Ö÷²¥´óÐã

Un o gyfrinachau mawr gwleidyddiaeth yn ystod y misoedd diwethaf yw'r rheswm am arafwch y Blaid Lafur i ddewis ymgeiswyr cynulliad yn ei seddi targed. Fe ddewiswyd ymgeiswyr Blaenau Gwent a Llanelli hydoedd yn ôl ond mae seddi eraill y mae Llafur yn gobeithio eu hennill yn dal i fod heb ymgeisydd.

Mewn rhai achosion mae'n debyg mai oedi er mwyn rhoi cyfle i aelodau seneddol wnaeth golli ym Mis Mai ystyried p'un ai i sefyll ai peidio oedd y bwriad. Mae hynny'n ddigon synhwyrol.

Fe fydd darllenwyr y blog hwn ym Mis Awst a darllenwyr y Western Mail y mis hwn yn gwybod bod y dacteg honno wedi gweithio yng Ngogledd Caerdydd lle mae Julie Morgan fwy neu lai wedi penderfynu rhoi ei henw ymlaen.

Nid felly y mae pethau yng Ngorllewin Caerfyrddin a De Penfro. Mae'n debyg nad oes unrhyw ddiddordeb gan Nick Ainger mewn ymgeisio. Nid bod hynny'n gadael Llafur heb ymgeisydd credadwy.

Ar ôl llygadu sedd rhestr a cheisio cryfhau ei chefnogaeth ranbarthol trwy sefyll yn Nwyrain Caerfyrddin yn yr Etholiad Cyffredinol mai'n debyg bod Christine Gwyther wedi penderfynu mae yn ei hen etholaeth y mae ganddi'r cyfle gorau o ddychwelyd i'r Bae. Nid bod Christine yn sicr o gael yr enwebiad. Wedi'r cyfan colli fu hanes Tamsin Dunwoody yng nghynhadledd ddewis Preseli Penfro.

Maria Battle yw'r enw arall sy'n cael ei grybwyll yn yr etholaeth ddeheuol.

• Llyfrnodi gyda
• |
• |
• |
• |
• - Beth yw hwn?