Ö÷²¥´óÐã

Rhywle yng nghefn cwpwrdd ym mhencadlys y Democratiaid Rhyddfrydol yn Cowley Street mae 'na gofrestr aelodaeth bur select. Hon yw'r "Interim Peers Panel" y rhestr o bobol y mae'r blaid yn ystyried yn gymwys i fod yn aelodau o DÅ·'r Arglwyddi. Heb fod ar y rhestr does dim gobaith i Lib Dem wisgo'r clogyn coch.

Tan yn ddiweddar dwy ffordd oedd 'na i gyrraedd y rhestr - cael eich ethol gan gynhadledd y blaid neu fod yn gyn-aelod seneddol. Mae'r ail ddosbarth yn awr wedi ei ddiwygio er mwyn cynnwys cyn-aelodau'r Cynulliad a Senedd yr Alban.

Pam y newid? Go brin fod a wnelo fe unrhyw beth a sicrhau teyrngarwch Aelodau Cynulliad sy'n canfod ei hun yn is ar y rhestri nac oedden nhw'n disgwyl bod.

Yn y cyfamser fe fydd darllenwyr sylwadau'r blog yma yn gwybod bod Angela Elniff-Larsen yr ail ar restr Plaid Cymru yn y Gorllewin a'r Canolbarth wedi cyrraedd y safle uchwl hwnnw er iddi beidio ennill yr un bleidlais ddewis cyntaf! Roedd ganddi lond dwrn o bleidleisiau ail-ddewis. Oherwydd cyfundrefn "sipio'r" blaid sy'n gosod dynion a menywod am yn ail ar y rhestri roedd y rheiny yn ddigon is sicrhau eu lle.

Mae'n debyg bod Plaid Cymru yn hynod o falch bod Tiger Woods, Catherine Zeta, Michael Jordan a Shirley Bassey yn llenwi'r papurau a rhaglenni newyddion gan fygu stori a allai fod yn gryn embaras.

Mae'r Blaid wedi rhyddhau datganiad un llinell ynghylch y sefyllfa sy'n dweud hyn;

"Mae pob canlyniad, gan gynnwys y rhestri rhanbarthol, yn gorfod cael ei gadarnhau gan y Pwyllgor Gwaith Cenedlaethol. Cyhoeddir y canlyniad swyddogol ar ôl y cyfarfod hwnnw"

Fe fydd angen doethineb Solomon. Wedi'r cyfan y blaid ac nid yr ymgeisydd wnaeth lunio'r rheolau. Nid hi sy'n gyfrifol am y picl.

• Llyfrnodi gyda
• |
• |
• |
• |
• - Beth yw hwn?