 |
Bydd Dafydd Iwan yn ymuno ag Ar Log mewn gig yn Eisteddfod Abertawe i ddathlu 30 mlynedd o berfformio gan y grŵp .
Trefnwyd y cyngerdd yng nghlwb Barons, Abertawe, ar y dydd Sadwrn agosaf at ben-blwydd perfformiad cyntaf Ar Log - yng ngŵyl Lorient yn Llydaw, Awst 8, 1976 ; 30 mlynedd yn ôl.
Dwy daith
Er i Ar Log rannu llwyfan dros y blynyddoedd â nifer fawr o artistiaid nid oes amheuaeth mai'r bartneriaeth fwyaf llwyddiannus fu'r un gyda Dafydd Iwan gyda dwy daith fawr.
Bu'r gyntaf ym 1982 - Taith 700 i gofio
Llywelyn, a fu farw yn 1282, a'r llall ym 1983 - Taith Macsen i ddathlu 1,600 o flynyddoedd ers i Macsen Wledig adael Cymru yn un genedl yn y flwyddyn 383.
Elin Fflur hefyd
Nos Sadwrn, Awst 5, bydd Dafydd Iwan yn ail ymuno ag Ar Log yn y dathliad arbennig yng nghlwb Barons, Abertawe.
Yn cymryd rhan hefyd bydd Elin Fflur sy'n lansio ei EP newydd, Ysbryd Efnisien, a dau fand lleol, Merched Beca a Coda.
Tocynnau o TÅ· Tawe, Abertawe neu drwy Cymdeithas yr Iaith Gymraeg: 01970 624 501
|
|
Ìý
