Mea Cwlpa
Maddeuwch i mi am beidio blogio'r wythnos 'ma. Ac eithrio dod i fewn i gyflwyno CF99 a Dau o'r Bae dw i wedi bod adre'n sal gan foddi mewn hunan dosturi yn y modd gwrwaidd arferol.
Pe bawn i wedi bod 'ma mae'n debyg y byswn wedi rhannu ambell i stori am Peter Hain, Huw Lewis a Lynne Neagle. Dw i'n rhuthro i ddweud mai straeon difyr yn hytrach na sgandalus yw'r rheiny. Wythnos nesaf efallai!
Yn y cyfamser dw i wedi bod yn derbyn triniaeth yn Ysbyty Brenhinol Morgannwg yn Llantrisant neu "Ysbyty Camilla" fel mae'n cael ei adnabod yn lleol. Bues i'n pendroni ynghylch yr enw hwnnw nes i feddyg esbonio "Mae'r lle 'ma hanner ffordd rhwng Penybont a Merthyr...ni'n dod rhwng y 'Princess of Wales" a'r 'Prince Charles` felly".
Yn y cyfamser mae Bethan Lewis wedi gofalu am y podlediad. Gwasgwch y botwm ar y dde o bnawn Gwener ymlaen.
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
