Ö÷²¥´óÐã

Rwyf wedi ysgrifennu o'r blaen ynghylch pa mor anodd yw proffwydo canlyniad etholiad Ewrop yng Nghymru. Mae'n haws gosod ambell i garreg filltir i nodi beth fyddai'n cyfri fel llwyddiant a beth fyddai'n cael ei ystyried yn fethiant i bob un o'r pleidiau.

Mae Plaid Cymru a'r Ceidwadwyr yn rhannu'r un targed syml sef curo Llafur. Dyw'r naill blaid na'r llall erioed wedi gwneud hynny mewn etholiad cenedlaethol yng Nghymru. Fe fyddai ennill ail sedd yn fonws ac wrth gwrs mae'r ddwy blaid yn gobeithio curo ei gilydd ond man bethau yw'r rheiny o gymharu â'r cyfle hanesyddol i glatsio Llafur.

Y nod i'r Blaid Lafur yw cadw ei thrwyn ar y blaen yn y bleidlais boblogaeth. Mae'r ffaith bod hynny'n ymddangos yn dasg ryfeddol o anodd yn adrodd cyfrolau am gyflwr y Blaid. Fe fyddai dod yn ail yn ddigon drwg i Lafur. Fe fyddai dod yn drydydd yn drychineb.

Fe wnaeth y Democratiaid Rhyddfrydol yn rhyfeddol o wael yn yr etholiad Ewropeaidd diwethaf gan ddod yn bumed y tu ôl i UKIP. Curo'r blaid honno yw'r nod cyntaf felly. O wneud hynny mae'n bosib, er yn annhebyg, y gallai'r blaid gipio sedd. Fe fyddai angen llawer llai na hynny er mwyn i'r blaid ystyried yr ymgyrch yn llwyddiant. Fe fyddai ennill y bleidlais boblogaidd mewn un etholaeth yn welliant ar y canlyniad tro diwethaf!

• Llyfrnodi gyda
• |
• |
• |
• |
• - Beth yw hwn?