Gwaelod y Dosbarth
Fe wnes i grybwyll yn gynharach bod y Guardian wedi galw Alun Cairns yn un o "sêr y dyfodol". Efallai eich bod o'r farn na fyddai pawb yng Nghymru yn llwyr gytuno a'r dadansoddiad.
Ta beth am allu proffwydol Lewis Baston fe fydd Ceidwadwraig amlwg yn gobeithio nad yw un arall o newyddiadurwyr y Guardian a'i fys ar byls.
Mewn blogbost awgrymodd Nicholas Watt fod aelodau mainc flaen David Cameron yn perthyn i un o saith dosbarth. Dyma nhw:
1. Y "naw Diogel" sef pobol fel Kenneth Clarke a William Hague.
2. Y "tri ffefryn personol" (Greg Clark, Nick Herbert a Jeremy Hunt).
3. Yr "hen ffyddloniaid" sef Oliver Letwin a'i debyg.
4. Y "rhai sy'n haeddu bod", David Willets yn eu plith.
Mae'r blog yn awgrymu y byddai aelodau'r pedwar dosbarth cyntaf yn sicr o gael lle yn y Cabinet pe bai'r Ceidwadwyr yn ennill yr etholiad. Mae dyfodol y bobol yn y tri dosbarth nesaf yn llai sicr. Dyma'r gweddill felly;
5. Y "ddau ar y cyrion"
6. Y "pump anlwcus"
Yn olaf oll i gyd mae dosbarth sydd a'r enw hyfryd y "plodding four".
Fedrwch chi dyfalu ym mha ddosbarth y mae Cheryl Gillan?
Efallai bod Lewis Baston yn iawn ac y bydd 'na agoriad i Alun wedi'r cyfan!
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Dwi'n darogan mae Jonathan Evans fydd Ysgrifennydd Gwladol Cymru wedi Mai y 6ed.