 |
 llyfr glas eurig
Llyfr gan un sy'n haeddu seremoni
Adolygiad Meg Elis o llyfr glas eurig gan Eurig Salisbury. Cyhoeddiadau Barddas. 拢6.00.
Dwi erioed wedi adolygu cerddi morwyn briodas o'r blaen.
Efallai nad dyna rydw i'n wneud tro hyn, chwaith, yn enwedig o ddarllen y cywydd Gofyn am Gondom (t.50).
Ond maddeuwch i mi am dosturio dro Eurig, y forwyn (ffigurol felly ) na lwyddodd hyd yma erioed i briodi 芒'r Corn Gwlad, yr Aberthged na'r Gadair.
Deirgwaith mor agos ati. Ffin - mae ei awdl yma ac mae'n wefreiddiol - ond roeddet ti yn erbyn Jim Jones, pa obaith, washi?
Tonnau yn Abertawe? Wel, dwi'n meddwl mai ti ddylai fod wedi ennill, ond 'na fo, dwi ddim yn cynganeddu, ac eto, s诺n dy ff么n di a
"Pam w tn nfon txt @a innau
Os nad w tn gweld sniad y tonau?"
sy'n fy nenu.
Ac eleni eto, mae myfyrdodau Hilma Lloyd Edwards am y llefydd coll/tiroedd newydd ar hyn o bryd yn fy swyno mwy na'r sgrapiau ges i o awdl Kong.
Ond dwi'n tanysgrifio i Barddas felly mae'n olreit, ella y gwna'i newid fy meddwl.
Dros bob man
Dwi'n mynd dros bob man.
Ond dyna mae cerddi Eurig Salisbury yn wneud, a bod yn onest.
Un funud, mae o yn hollol draddodiadol, yn canu englynion a cherddi i ffrindiau a sefydliadau (Pantycelyn, yr is-ganghellor), i groesawu Steddfodau a chyfarch prifeirdd buddugol, i gofnodi digwyddiadau, a dyna chi'n meddwl - a, iawn, dan ni'n gwybod lle i roi hwn.
Mae o yn y traddodiad caeth, y traddodiad o glodfori a dathlu -
Yna daw Tonnau (ei gampwaith hyd yma, yn fy marn ddi-gynganeddol ...) a Tryfan a Beirdd v Rapwyr, a dyma rywun yn gorfod meddwl eto, be gebyst mae'r cynganeddwyr newydd yma'n wneud?
Dafydd ab Edmwnd y troi yn ei fedd?
John Morris -Jones yn gwaredu at y geiriau anfarddonol?
Be ddigwyddodd i'r pedwar mesur ar hugain?
Ond dyna yw geiriau heddiw.
Gwn, mi wn i fod gennym resiaid o feirdd ifainc sydd yn ymhyfrydu yn y gynghanedd (ac mi enwais un llynedd, os na fydd hwnnw mewn cadair cyn pen deng mlynedd, mi wna'i fwyta fy mhenwisg dderwyddol. A gwynt teg ar 么l y bali niwsans peth...).
Ar y blaen
Ond wedi darllen a chlywed cymaint o waith y rhai newydd, ac wedi cael amser i fyfyrio ac ailddarllen (ac ailddarllen yn uchel - tr茂wch hynny) peth o waith Eurig Salisbury, dwi'n rhyw led feddwl mai fo sydd ar y blaen.
Mae'r gerdd Wel? wedi fy argyhoeddi, os gwnaeth unrhyw un. Hollol reolaidd, ond tanseiliol ac arswydol.
" Cysidro cau is-adran
Cyngor am agor rhain m芒n.
Cymeradwyo popeth.
Cymeradwyo pob peth.
Cwrs unig. Rhesi anwel,
Career set. Ond WHO CARES?"
Mae "Writing and Performinga Cywydd for Dummies yn sobreiddiol, ac yn ddifrifol.
Ac mae'r hogyn yn medru canu yn hollol reolaidd a (wel, sort of) confensiynol i'w ffrindiau Hywel a Catrin ac eraill a mae o yn y traddodiad.
Ac eto dio ddim.
Fe ddywedodd fod yn rhaid iddo gael stori i fedru creu awdl yn iawn.
A'n helpo i, gobeithio y bydd Testunau'r Bala yn cyffroi'r awen unigryw yma unwaith eto.
Mae'r hogyn yn haeddu seremoni.
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 主播大秀 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol